[佬] 選擇求婚介指

一般來說，求婚都是選鑽石介指~(不過有朋友曾經說過會用蘇聯石求婚 -.-)

鑽石最基本的是4c，分別係carat, color, clarity, cutting，
首先，定下自己budget，跟著為4c 定下選擇條件(下面會簡單介紹何謂4c)
這樣一入鋪，就可以說自己想要的鑽石，省回不少時間，而且最少表現出你不是一個鑽石盲 ^.^

買鑽石要多行幾間，因為鑽石不同黃金，不同分行的存貨也會不同，(我試過到一間尖沙咀分店，一粒clarity vs1都無)
要找一粒符合你所定下的條件的鑽石(當然包括價錢!)，就要多行幾間

另外，可以既話，找個朋友一起去，
一來，可以多點意見，
二來，可以幫手講價(女性朋友比較擅長)，
因為買鑽飾講價幅度可以很大，不像黃金有公價，
以六福為例，一開始，職員己經會給8折左右，
再多講，最低試過65折，
不過不要誤會六福係最抵，只不過係標價高。

講返4c，我個人意見，就認為重要性如下:carat > color > cutting > clarity

carat - 即係大細，一卡即100份，
要保值的話，通常要超過50份(即半卡)，
49份和50份價錢會有較大分別，但看上根本分不出大細，
一般30 份以上就會有證書

color - 由D至Z
D-F: Colourless
G-J: Near Colourless
K-M: 微黃
個人認為，color 最少要有H grade 以上，
如果大粒既話，最好係D-F，
不過其實不將2 粒鑽石放在一起，
都好難比較邊個color 好。

cutting - 切割好的鑽石，才可以反射出更多光線，即夠閃。

大部分都是GIA證書，當中以excellent，very good..etc..做分等級
very good 己經ok，
其他的證書，如IGI，還有8心8箭，9心1箭..

8心 是指由鑽石上用放大鏡望會看到8 心圖案，
8箭 就是由鑽石底部看有8箭圖案(我的求婚介指就是8心8箭)
但據聞，傳統車工的鑽石反而會更閃

clarity - 由FL->IF->VVS1,2->VS1,2->SI1,2->I1,2,3
FL就是最高級 Flawless 完美無瑕
基本上SI以上，肉眼己經看不見，不過個人認為最少要有VS 以上比較好

其實除左以上4C，還有很多DETAILS，不過一般來說，認清 4C 己經足夠。

*小提示，如果不清楚女朋友手指粗幼，
最好買大一點(之後可以拿回鋪改大細)，
以免求婚成功後，戴不到介指的尷尬。

400 日倒數

不經不覺，己經過了一百天，
還有400日就到我們的大日子啦~

在這一百日內, 我倆試了妝(但不滿意), 又試了婚紗及晚裝.

今天wendy 帶左我去旺角樓上舖做facial, 十二月前的優惠價是$88 (係咪好鬼平呢?)
做了針清和無痛針清, peeling, 消炎去印mask, 唇mask, 面部按摩... etc 臨走前畀左一細盒消炎去印膏、一細盒保濕啫喱, 一小樽洗面奶回家使用.
問我效果如何? heehee. 我不知道. 睇下過兩日係咪消左腫啦. 睇下做幾次皮膚有否改善啦. 最重要都係生活定時.

不過好似還有很多事情還未預備 :P 律師、化妝師、keep fit進度超級緩慢...

各方好友, 有關結婚既野, 有好介紹記住通知我地啦~~

(趁今日，補返d 帖先~)

外租試衫Part 1

星期六我和佬去了新天地試衫, 找了Anita陪我們. 試了四小時. 嘩.... 真係好倦... 試到我左臂好酸痛. 我相信朋友和我個佬都好倦.
真係好多謝她, 她幫我們手睇相簿揀衫, 又每件都評分, 突然變左殘酷一叮. 哈哈.
試了差不多卅多件婚紗, 十幾件晚裝. 讓我來一個回顧吧.

原來我個佬十分抗拒cool頸及腰間有骨的款式, 佢話前者好難睇和後者似腰封. wahhaa.
還有, 他亦不喜歡公主款及直紋.

新天地好在拖尾不用加錢,可以揀得自由一點.揀有拖尾好像比較"抵。

暫時評分最高既婚紗有以下幾件:
1. 一字膞+手臂有花花, 上身閃閃, 非常大的拖尾, 十分有層次感
2. plain左d, 有紗, 但唔夠閃, 有同款的pink色可作晚裝
3. 唔記得左個comment, 但anita話好靚. 下次一定要再試番
4. 勁閃, 下身有圓點同厘士
5. 上身plain, 左右不對稱, 反而有cute感覺, 拖尾厘士+紡紗, 似傳統婚紗

第1件和第5件暫時是最合心水的。

揀晚裝，首先鎖定了三隻色系:
a. 藍色/紫色, 影相用
b. 紅色, 用來敬酒用, 襯金器為主
c. 金/銀, 淺色為主, 送客用

每個色系都選了幾件晚裝:
藍色/紫色:
1. 雖然綠色, 但款ok, 有深淺不同
2. 紫色, 但唔記得左comment
3. 深紫色, 單膊, 有吊飾物+羽毛在手臂(見圖三)
紅色
1. 粉紅色, 有層次感覺
2. A line, 底有淺黃色的紗, 無咁單調
金/銀
1. 灰白有毛毛
2. 婚紗款, pink，就是上面提過的2 號婚紗

Anita幫我偷影左三張.
圖一
圖二
圖三

又再被爬頭

唔知係咪爬開就爬，
又有人爬頭啦~
大家就會被"連炸3次"啦...

海逸酒店 Harbour Plaza Hotel

前一排參加了紅磡海逸酒店 Harbour Plaza Hotel舉行的婚禮，
雖然交通不大方便，距離火車站甚遠，
但無柱大禮堂 + 大水晶燈都唔錯，
另外，禮堂外有樓梯及韆鞦可以影相，都不錯~

食物服務方面，都ok

被爬頭

今日收到消息，竟然有人爬頭，
早我們一個星期結緍!!!!
又多pair 一齊預備婚禮啦~ 恭喜恭喜!!!

試妝第一炮

星期六我去了試妝. 一個月前約了朋友介紹的化妝師試妝. 所以這個月來, 差不多每個晚上都有搽sleeping pack. 還有, 找朋友陪我買了一盒磨紗, 我平時隔幾天會用一次. 可惜, 由於我經常不夠睡覺及以往沒有保養我的皮膚, 這樣臨急才抱佛腳亦是沒用. 試妝當天, 化妝師說我皮膚很差, 角質層很厚, 很難上妝. -_- 她說我要做facial.

當天有一位女性朋友Anita和我個佬陪我. 他們都很有耐性陪我四個小時. 謝謝你們~~

我個人認為… 妝比較濃… 不適合我. 可惜我朋友說, 如果照相要有效果, 便需要濃一點. 這是真的嗎? 大家有其他化妝師可以介紹嗎? 謝謝大家 ~

2007.07婚紗Expo

今天下午我和佬約了Van和堯(van男友)去婚紗Expo. 一入去就看見一個婚紗booth, 賣現貨, 亦提供試穿服務. 由於我之前一直未出去店舖揀婚紗, 於是入去試了兩件. 幸好有van在場, 幫我穿婚紗, 否則狼狽得很.

由於我比較矮及沒有纖腰, 便會擔心穿婚紗愈穿愈覺得肥胖. 所以當時揀的兩款都屬A-line, 試穿時, 照鏡覺得很適合自己身型. 很可惜… 我個佬同我講, 堯發現該店的鏡子照出來的影像比正常瘦三分之一. 所以我會有錯覺這條裙適合自己. 我聽了很失望… 要努力做運動才可, 可以暫時仍很懶唷~

(大家覺得點呢?)

之後巡了一圈, 主要看租花車及van 以供當天接送親友到婚宴及回家. 看見一架橙色開篷的mini cooper, 我個佬有駕照, 可以自駕, 覺得特別溫馨.

我試了一個免費試妝, 基於我book了下星期去試妝, 所以想之前取下經驗. 朋友和我一齊試. 試完… 救命… 成個鬼樣, 應該說… 個妝太過唔自然啦. Eye shadow和唇膏色太鮮艷, 現在興自然美嘛, 怎可能化妝還像八九十代 ?! 這一間店我唔想記住佢乜名啦. 個化妝師成個師奶咁款, 朋友事後跟我說… 揀化妝師要先看其本身的妝掂唔掂至好試. 無錯! 最後我結論是: 一分錢一分貨, 若畀錢都化個鬼相, 大家唔好再幫親啦.



另外又看律師證婚. 有一間推出『壹誓婚禮』服務, 主要賣點是該公司已訓練了一班有證婚質素的律師及推出有心思的證婚模式 (似教堂結婚). 他們介紹了以下的特點:
1. 安排結婚前律師與新人會面, 做rehearsal. (e.g. 誓詞及march-in等)
2. 律師會問新人問題, 新人會答 “我願意.” (似唔似教堂呢~)
3. 亦會教新人在stage站的位置, 讓全場賓客可以看得見.
4. 律師在證婚時充當主持, 會講一堆我覺得可能係無聊的說, 該公司卻指這些可令新人的心情由緊張變成放鬆, 帶動全場人投入
5. 開始之時, 律師會提醒全場人關手機.
6. 簽紙時, 安排L-型, 新人面對觀眾, 父母便坐在L的另一邊, 便觀眾目睹簽婚整個過程.
7. 若要求有別於『壹誓婚禮』套餐的證婚模式, 可以join貴一點的package , 例如求婚沒有送花, 老婆想老公結婚當天補番, 跪低送花

Position 同 I do 這兩個points 我都覺得好鍾意. 但我個佬想在下決定之前, 看另一位網上forum 讚的律師. 所以expo 裡沒有落訂.

原本我以為是次expo會買美心餅卡, 點知我個佬話不用急, 所以還未買.
看了一些對裝戒指, 沒有看得o岩心水, 一來太多人, 看得不舒服, 二來, 款色對我倆來說太花巧, 三來, 比較之前看有信譽的店舖還要貴.

最後看了租婚紗及禮服的package, 可能首先看新天地, 所以最有心機看相片揀衫. Package 費用亦在預算之內, 覺得租衫到這些有規模的店, 會放心d.
之後愈行愈肚餓, 我無乜心機再睇其他公司的外租禮服package… 都係交由我個佬啦.

揀結婚介指 (二)

今天又出了荃灣睇介指，去了周大福，

有一款叫"微卜"，戴上手幾舒服，而且d 款都唔錯，

有一對"微卜" + "玫瑰金" + 一粒細石，

呢對ok，可以係shortlist 之一，

(玫瑰金即抛光面 黃金k金)

不過周大福價錢比較貴，一對要$6,000

睇左兩日既暫時總結係，比較喜歡的款式

- 簡單

- 要平面設計 (平時戴著不易撞花)

- 粒石(如有的話) 要完全鑲進介指內

- 不要金銀色，感覺老土

- 不用刻其他字，如loving you，感覺好怪

揀結婚介指 (一)

今日到旺角睇結婚對裝介指，

去過幾間大行睇， 目標係比較簡單既款，
因為要戴幾十年，揀d 太潮既款，過左幾年唔興就好怪。



周生生款式最多，價錢都ok，一般都係$4,000 一對，

謝瑞麟之前幫襯過買求婚介指，款式比周生生少，價錢差唔多，

六福標價最貴，一隻都要$4,000，應該又係要講價，唔係咁鍾意，

(六福係習慣標價高，跟住比折扣，等你覺得好抵，之前買求婚介指試過)

周大福無乜特別... 應該咁話.. 同六福一樣無乜多款揀....


原本都係諗住要有粒細石k 金既款式，


都有幾款ok，跟住sales 又介紹左無石既白金介指，
其實都唔錯，

白金無石介，簡單 plain d，但係白金易刮花，又無得翻新，

k 金細石介，比較硬身，coating 會甩，不過可以翻新，



不過睇左咁耐，都無一隻係特別鍾意，會令人好想買，

都要再花多點時間睇多幾間。

[佬] 如何搜集資料?

籌備婚禮必然有好多事情預備，
有好多資料要搜集，
那應該如何開始呢?

先講網上資訊，最有用的就是ESD 新婚生活易
http://wedding.esdlife.com/

而且亦有討論區(這個討論區相當詳細，要完全睇完都幾辛苦)
http://comtools.esdlife.com/wedding_forum/

另外，要睇婚妙相，有很多人在此分享，可以在此找適合自己style 既緍紗相公司
http://verywed.com/

除了網上資料，最好都是去婚紗展走一轉，
就算不是去落訂，走一轉好讓自己有個idea - 有咩要預備~
去展覽前，要清楚自己有咩目的，唔好因為一時衝動而落訂，
而且好多"所謂"優惠，其實係長期優惠，所以不用太擔心，
(除了台灣婚妙相公司，聽聞展銷期間跟walk-in 價錢會有很大差別噢~)
另外，大家記得"講價"，每件事都有不同優惠爭取。

關於婚紗展詳情，有舉辦日期及參展商名單，
http://www.wedding.expo.com.hk/expo_index_c.php

香港婚紗暨婚宴博覽，規模比較大，有兩層展館，
第xx屆聖誕婚紗及結婚用品展，只得半層 (上次展覽連美心西餅都無@_@)

大家還可以到太子金都商場，有很多租衫、攝影等公司，
不過聽聞當中有不少黑店，大家要小心點
http://www.goldenplaza.com.hk/

當然，大家可以來這個"部落格"看看啦~很有用噢~

2007 年結婚展一覽

7月13至15日 香港會議展覽中心 香港婚紗、婚宴暨結婚賀禮博覽2007
8月25至27日 香港會議展覽中心 第48屆婚紗時裝及結婚用品展
11月2至4日 香港會議展覽中心 香港婚紗暨婚宴博覽2007
12月14至16日 香港會議展覽中心 第49屆聖誕婚紗及結婚用品展

加入新婚會，可以有機會獲得婚紗展第48屆婚紗時裝及結婚用品展入場券。
http://www.iweddingclub.com/iwedding/chi/form.php

[佬] 做GYM，keep fit

今日終於上左"正確使用健身室設施簡介會"，
一早8:40 去到體育館等"執雞"(因為我之前無報名)，
幸好，"執雞"成功，
等Hanna 返來就可以去跑步keep fit (呢個都算係婚禮籌備項目之一)

原來1/7 & 2/7 有免費book 羽毛球場(或乒乓球)，
我每日book 了一個小時，
要努力做運動!!!!

[佬] 幾間攝影公司的簡評

AG - 最出名，但Sales 好似唔多憂做，book 到Grace 或者會考慮下。
http://amazinggrace.goldenplaza.com.hk
Picasso - 質素係好，不過太酷，而且價錢最貴，Leo 應該係最出名既攝影師。
http://www.picassowedding.com
海洋 - 價錢平，質素一般，可以話係"畀幾多錢，交足幾多貨"。
http://www.oceanwed.com
專業制作 - 價錢同海洋差唔多，不過網上comment 好壞參半。
http://www.e-wedding.com.hk/
幸福宣言 - (我們選的一間)，拍出來的感覺比較sweet，Snapshot 感覺自然，價錢一般。
http://www.declaration.com.hk
(如果影的唔好，我一定會上黎話畀大家知!!!! 當然影得好，都會讚~
Michael 記得影好d 呀，影得我(未來)老婆靚d 呀!!!)

結婚的第四步 – 婚宴攝影

定了酒席之後，下一步便是準備當天的事情，包括婚宴攝影及化妝。

雖然之前去過Wedding Expo，取了一大堆相關的單張回來看，但當其時連酒席都未訂，所以跟今次目標不一樣，這次是具體地篩選。

由於"家姐"(佬既朋友家姐)介紹Amazing Grace(AG)拍攝婚紗相，所以想去金都商場看看。

我們去了金都商場4 次啦。

第一次去是我自己去，以為首選的AG竟然唔憂做，站在門口一段時間都無招呼，反而去另一間，職員會給婚紗相薄我看及為我講解拍攝婚紗路線，但我竟然忘記了看當天攝錄!

第二次我同個佬一齊去，我倆看看下又忘了看比較重要的當天攝錄 ! wahaha ~ 後來姐姐join我，我們三個人只是掛住看婚紗照。看了AG、Picasso、幸福宣言、專業制作等。我看中了幸福宣言的sweet style，看了很久，看勁多每個熱門景點的相版，又解釋哪個月份便會有這樣的色調。而個package又十分適合我們，因為地點限制比較小及拍攝時間比較長一點。不知不覺看了很久，但竟然遺忘問關於婚宴攝影package @_@

暫時扯開話題一陣: 當其時問過AG關於拍攝婚紗路線及時間，只有四小時，又說要去兩個或以上地方實在太難，職員會好辛苦喎。有無搞錯?! 去台灣影，由朝影到晚，路線又會幫我地計劃，而從未聽過這樣的說法。聽完即刻不想再考慮這間公司，再加上AG最出名的Grace，己經畀人book 左(早一年半呀 @.@)，AG 入唔到地最後考慮既FINAL 3。

第三次便是專程返回幸福宣言問婚宴攝影package，然後再看Picasso。

去到幸福宣言，ESD forum推介的攝影師Eddie / Howard，可是已被人book了，問剩下的攝影師還有誰。招呼我倆的人不說有誰剩下，只給我們看相薄。我倆很喜歡某些照片，捕捉到甜蜜接新娘及投入婚禮的一刻 (有點些snapshot)。問是哪一個師傅拍，對方竟然說正是他本人。他便是Michael。

跟著我們就到了Picasso，這間是富貴人家的選擇，因為片中的新娘在家要行樓梯，即是獨立屋，新人在四季擺酒~ 很誇張唷!!! 另一方面，它的作品太過酷同有型，卻不是我倆杯茶，而且價錢比較貴，單單即日剪接就要$2,000!!!!

至於專業制作，網上既comment 好壞參半，最後都無考慮到。

我個佬看了很多forum，看到有人介紹<<海洋>>的package 十分划算。所以去了紅磡一趟，但看過了便正如有些人的comment一樣，以這樣的價錢，的確是交足standard。問關於即日剪片竟然是帶過帶再加音樂，但我和佬都不想要這些，突然覺得付多少少錢是值得。

今天2008.06.19專程去金都落訂，1P1V (P - Photographer / V- Video)，當日婚禮攝影指明要micheal及要即日剪片 (同時book了婚紗攝影 <-- 遲d 再寫有關婚妙攝影) ，好開心，終於落實這件事。

[1P1V - $3,388是我們的package]


[這是即日攝錄的單張]


[右手邊便是我們指定的攝影師Michael]


[經過一大輪篩選, 這是剩下的選擇。資料搜集及比較是很重要耶 ~!]

結婚的第三步 - 酒席

理想構思是先定日子，然後訂酒席。原先定2008.12.06，後來又變了2008.11.02.


由於擺大約12圍，於是目標便是細場。


睇場都睇了幾間，包括尖沙咀鴻星(華源大廈)、旺角皇廷(新世紀廣場)、灣仔皇廷(合和中心)、灣仔皇潮匯(華潤大廈)、尖沙咀映月樓(文化中心)。


（缺點逐個數：尖沙咀鴻星-要經後巷才能進入，窄身長形廳; 灣仔皇廷-彎形廳; 尖沙咀映月樓-景是不錯的，但L-型廳，好怪）


最後兩間同屬皇上皇集團，個場都不錯架!

2008.06.02到旺角皇廷飲茶和睇場，我個佬覺得好正~ 有獨立入口，個stage 又夠大，ceiling 又夠高，風格又夠南歐風情 !


但到我們即時落訂時, 我們的好日子竟然已被人訂了 ! (早一年半訂酒席，都訂不到 !!!! @_@ )

究竟為了個場而改big day，還是改地點好呢 ? 掙扎了一晚，決定去Wedding Expo一趟。


入expo之前，專程帶佬去灣仔皇潮匯(華潤大廈)睇細場，因為我表姐結婚，亦是在這擺酒，不過在大場。連我個佬都覺得好正~ 裝潢好elegant，不用自己再花錢請人佈置 ! heehee ~~ 問過經理我倆好日子還未給人book，還有希望!!!


去到expo, 我倆仍然未決定揀哪一間… 但最後在皇上皇booth一坐低，就決定了灣仔皇潮匯!


[訂酒席的單]


[酒席送的新天地coupon]


[左手邊是我們的細場]


[酒席的Catalog]



[門口佈置]


[簽到桌]


[靚靚門口]



[廳的樣子]


[Backdrop]




(小記: 最後發現原本有隻回門乳豬送，當其時唔記得左爭取 -_- 豬呀~~~ )

選擇場地條件:

1. 最好當然可以包場，如圍數不足，至少都要包廳。

2. 包廳有無獨立入口，可避免其他客人經過。

3. 包廳間板隔聲如何，間板路軌外觀問題。

4. 場的佈置，最好是橫向的長方形，每一圍與主家席不會太遠。

5. 樓底高度，樓底高，影相會靚d，而且壓迫感無咁大。

6. 有無柱，睇video無阻隔。

7. 新娘房要有獨立廁所，夾萬。

8. 進場spotlight

落訂時要bargain 既事項:

1. 任飲價錢 vs 不任飲的散叫價錢

2. 交場時間

3. 免費泊車時間

4. 主家席椅套及全場椅套收費，最好全場椅套免費

5. 席前小食何時開始

6. 泡泡機、玩花炮清潔費

7. 各樣優惠 e.g. 糖水加湯圓

結婚的第二步 - 擇日

現代擇日方式 - 網上通勝
優點 : 免費，自行擇日
缺點 : 準確性成疑(無人知曉)

[主要擇日條件]
1. [宜] 嫁娶
2. 所選月份要避開新人及雙方父母的生日
3. 所選日子不可與新人生肖相沖

除了以上3 個條件外，還有不少傳統習俗，例如農曆七月(鬼節)，六月(半世新娘)都不宜嫁娶。
不過要符合以上三個條件選日子，己經不易，所以不用太著緊，最緊要的是雙方父母喜歡就沒問題!!!

如果父母比較著緊擇日，花點錢找個師父幫手吧~

想知更詳細的擇日條件，可到
http://wedding.esdlife.com/content/chi/gooddays/articles002.asp

[網上通勝]
1. http://verywed.com/lunar/
- 比較方便，可以只選星期六、日
2. http://mindcity.sina.com.hk/MC-lunar/index.cgi
- 資料較詳細，而且有當日時辰吉凶

最好多選一至兩日，以免所選日子酒席己被book

結婚的第一步 - 求婚

當然結婚的第一步是求婚 / 迫婚。我個佬… 仲使問既 ~ 當然是前者啦!

於2007.02.07我生日的晚上，他便是用這個求婚戒子(仲有花花)向我求婚啦! ( 詳情問我個佬啦 )
(公式 : 我生日 = 求婚, 咁結婚呢 ? )

關於揀求婚戒子，可以問我個佬，他十分有心機做過資料搜集及比較很多間舖才買!

500 日倒數

登登登登!!! 終於到左今日，仲有500 日就到我們的大日子啦~
今日亦都係我們這個部落格開張之日。
我們會在這個部落格，記低籌備婚禮既點滴，
各方好友，有時間就上黎睇下啦~
特別係準備結緍既朋友，這個部落格應該可以幫到大家~
我們會繼續UPDATE~