dodo牛大牙

軒軒似牛牙仔，少少燒(37.8c)、輕瀉、嘔

40寸腰

後記:一直到生個肚都無乜點增大度. 都有d擔心, 唔知係咪糖尿餐搞到2dodo無長大度. 但醫生話懷孕後期胎水減少都會令我覺得個肚無大度.

竟然有妊娠糖尿...

都唔知係咪去台灣大吃大渴... 定係年紀大左....
第一胎都無, 竟然第二胎有.... 妊娠糖尿.
係公司收到電話, 超級唔開心同擔心, 拿拿林打電話畀dada...

識得行!

11月7日至14日, 整家人去了台北旅行, 有爺爺, 女麻女麻, 姨媽polly, dada, momo, dodo同係我肚裡面既2dodo.

Dodo去花博時識得走路！舉高雙手平衡, 樣子好搞笑.
dodo去到效外空曠地方超級開心, 影左好多dodo燦爛笑笑既相. 我大住肚辛苦d都值得!!!

準備dodo出國食物泥

就快放core leave, 為dodo出國時一日兩餐粥仔而煩惱.
上網search左好多資料. 滿腦子都係諗梗呢d. 差d連瞓都瞓唔著.

1. 燘燒壺
- 把米同滾水放入用thermos壼焗成粥. 專登問sam借左個黎試, 效果不好, d粥好似潮州粥, 好難食, 又唔綿, 有時掌握唔好, 米會唔過芯. 食送又唔能夠一齊焗熟

2. travel cooker
買一個咁既cooker要成千蚊, 若果買國產貨, 又唔知安唔安全. 要係hotel 煲粥, 準備食材都係難, 而且都好花時間去買, 切, 同埋煮...

3. 食物泥
出發前把食材整熟同埋粥煲好, blend左一起放入耐熱儲奶袋冷藏, 保冰袋盛著上機, 跟住到酒店就叫customer service放入酒店冰格, 每晚去拎番明日要食既份量放入房間酒店退冰.
但點整番熱黎食?
就係把退了冰的食物泥(在儲奶袋中)放在保冰袋或者能保冰的燘燒壺中帶出街, 要食時就加滾水放係燘燒壺焗番熱. 咁樣出街都整到, 或者到7-11叮番熱佢.

最後方案三好似係最好最適合我.

strange sleeping time

Dodo's sleeping time is unexpected and is not as usual. He has slept for the whole period of hotpot. not sure if it's due to his sickness.

sick dodo

Dodo is sick. He has running &stuffy nose. He sneezes sometimes. I hope he will be fine soon.

為dodo申請身份證同passport + structure scan

為一家人旅行作準備, 首要為dodo申請出國證件.

果日亦為2dodo作structure scan !

dodo打一歲針

專登安排生日完至打呢個針, 等dodo可以精精神神過生日.

happy birthday to dodo

今日是DODO的生日. dada book左studio 係石門影相.
仲有爺爺女麻女麻, dada, momo, autie polly.
開頭去到studio, 兩位哥哥引到dodo勁開心. 佢地用d 好誇張既聲線叫"軒軒b~~"
聽到我都想笑左出黎.但影d相效果真係好好.
先同屋企人影, 然後換衫主力影dodo.
差不多後半段, dodo好倦無乜心機笑啦.

但呢個生日禮物真係好有紀念價值. 多謝dada咁有心機預備呢份生日禮物.
dodo大個左拎番d 相出黎睇番佢一歲生日係點~~

dodo生日會

lansoc ee同叔叔話要同軒軒慶祝生日
當日dodo瞓醒上黎, 一開頭怕陌生, 同佢切cake影相都無乜點笑, 好在爺爺女麻女麻上黎, dodo當場開心晒. 咁至可以影到dodo開心既樣.

後記: 62同99為左我地無切舊cake畀佢地食而嬲左我地幾日... 我好不滿架. 擺明係溝通誤會. 我老公做仔又點會專登唔畀佢地食喎. 咁都嬲我地一餐.

看私家婦產科

出左去旺角睇婦產科, 係表哥介紹. 覺得唔錯. 佢主動同我講解好多野, 唔使下下等我發問至問一樣答一樣.
檢查完份紀錄仲好靚又清楚. 簡直似化驗所的report一樣. 每次700蚊比起之前既醫生又唔係貴, 價錢差不多.
讚!

lovely dodo

Dodo crawled towards toilet and then stood in front of it and knock the door. He seemed to ask grandma to come out. Dodo kept babbling very loudly for the whole day.

dodo下水禮

第一次帶dodo去游水, 怕公共游決污糟, 所以帶左去科學園club house.
全程dodo唔係太enjoy, 開頭仲有d驚. dada就抱實dodo, 畀佢玩下水水.

dodo第一對鞋仔

今天同老公去買鞋仔. 係dodo第一對鞋仔. 作為生日的pre禮物(人地話生日唔好送鞋喎)

健康院

老公幫我打電話去健康院約左今天去申請新症.

產科預約

今次完全唔記得左大左肚要做d乜手續去預約政府醫院同健康院個期. 連老公都唔記得晒... @_@

無得洗牙

生左dodo, 己經叫老公陪我去驗查牙齒. 點知老公拖到今日至約到個牙醫. 呢個牙醫係牛頭角, 係candy介紹, 佢話佢手勢好好. 唔會痛.
點知.... 入到去, 同醫生講我有左, 佢即刻話我唔可以洗牙, 因為洗牙會充血, 又唔可以開藥畀我食, 除非我牙真係有問題, 否則都唔好整牙.
唯有老公自己先洗牙, 等我生完至可以洗啦.
當日完左之後約candy食"爭先", 呢間係台灣我成日幫襯佢. 今次係香港見到佢, 好開心.
但始終台灣果間好味好多.

再次有喜?

胃痛得好厲害, 又有火燒心感覺. 決定要看醫生.
醫生話我係腸病毒, 開左一堆藥我食. 我聽到已經呆左. 心諗唔係呀嘛.
我問醫生會唔會我係有左呢. 佢一口話唔係喎.
離開診所, 覺得有D唔對路, 打電話畀老公傾.
老公叫我自己買支捧驗下先好食藥.
果然... 兩條線...
打番去診所, 同醫生講我自己診到, 佢仲要話D藥大肚都食得, 佢都傻傻地. 我點會仲食佢D藥喎?!
我吾舒服係因為有左, 即係唔係有腸病毒啦.
以後都唔睇呢個醫生!!!

知道有2dodo

奇怪地瞓

軒軒晚上十分扭計，好眼瞓但又唔肯瞓，勁放聲大哭，最後攬住奶樽，dada抱住入瞓

bedtime milk milk

Tonight I adjusted hin hin's last meal before sleep to be milk instead of congee. We, dada, momo and hin hin went to bed at 9 together. We kissed, played and let him toss and turn till  hungry and tired. We fed him 4oz mill and then he fell asleep on his own at 10:30pm

教dodo上床入睡

試了兩晚帶dodo入房, 瞓係我同dada張床上, 打光線較暗, 瞓係dodo身邊, 唱歌畀dodo聽, 又kiss kiss dodo 額頭, 面豬登, 咀仔, 手仔腳仔. dodo捽眼好倦, 由得dodo 碌黎碌去, 而我就扮瞓, 等dodo見到就一齊瞓. 咁樣. 好過抱住dodo成粒鐘都瞓唔到啦. work左兩晚, 好開心呀!!!! 多謝表姐教路 ~

complaint from dada

Dada phoned me to complain against dodo about his naughty behaviour. Dodo got angry with dada because dada wanted to help him fall asleep by not allowing him to play. Dada dared not to do that again since dodo will not let him hold himself.

dodo叫我們起床

dodo 日日都好早起身, 我扮瞓, 想唔理dodo都唔得. dodo搖個搖鈴, 搖醒左我同dada

dodo shaked rattle and made us awake in the early morning.

studio第一次

平時好好笑容既dodo, 竟然去到studio 無乜點笑. 平時同dada玩合kaka笑架嘛, 竟然今次好難引佢笑. 好在今次係free, 當係rehearsal
今次有除晒衫(剩底片片)既相. 希望間shop 快d打畀我幾時有相睇啦

爬爬dodo

四圍爬的dodo, 今晚爺爺女麻女麻回來, 他們出門前還未知dodo曉爬. 唔知他們知道了這消息會有怎麼反應呢?

食食下eddie果餐, 老公打電話黎話dodo嘔.. 嘔到dada同dodo全身都係, 家中無同幫佢手, 十分手忙腳亂...
我聽了很擔心dodo, 怕他生病.. 好在之後dada話dodo 無乜事. 這樣才放心一點.辛苦晒dada

與dodo說英文

第二天的work from home (am). 這兩天同dodo講英文, 感覺都ok. 可能只得我同dodo, 講錯又唔會擔心有人笑我, 我可以講幾次直到我accept 為止. dodo亦是一個好好的listener. 看來我會繼續同dodo講英文.

crawling dodo

Dodo can crawl suddenly in the morning when I work from home. He saw a notebook and then crawled to it and touched the keyboard. How exciting!
He also cried for my hugging or when not seeing me. He loves me to be with him ever since the Mother's Day. What a magic!

牛牙

下門牙牛梗隻牙仔啦

dodo 睇耳科

ironman 2

dodo看醫生

dodo出中環

帶了dodo出中環陪dada看皮膚科
中午去旺角同爺爺麻麻飲茶
晚上回家食香蕉奶米糊
可惜晚上最後一餐食食下粥嘔....
好在無乜事.可能飽得濟呱

第一次帶dodo到迪迪尼

老公約了他朋友百佳去迪迪尼, 帶埋dodo同埋我一齊去.
他朋友幫dodo影左好多相

拜媽咪

今天我、姐、老公約了議尹媽及二哥一家
之後去食齋同遊南蓮園池及志蓮淨園

留肚?

晚上吃了四安奶奶，半碗粥，一點蘋果茸。果然軒軒平時留肚唔食多啲野

仲發燒

半夜餵dodo飲奶跟住食退燒藥. 時燒時唔燒. 好擔心

發燒....

當天請了一天假, 同老公一齊帶dodo去醫院見營養師同埋耳鼻喉科. 點知果晚dodo發燒, 帶佢睇夜診.好擔心係咪我傳染畀dodo, 因為前晚曾埋身餵, 咁o岩果日中午有胃痛. 但表姐同我講唔好懷疑自己

乜都唔鍾意....

dodo唔肯飲水, 大大有d實.
搾橙汁畀dodo飲, 竟然唔鍾意飲,
畀dodo食亨氏pear茸, 點知又唔鍾意
畀dodo飲亨氏蘋果汁, 點知又唔鍾意
後來爺爺餵粥仔, dodo都要掂少少試過唔係自己唔鍾意食既野至肯食.
老爺同奶奶話dodo好奸, 因為爺爺叫軒軒, 叫左好耐都無反應, 嚇親爺爺走埋去查過究竟, 點知軒軒回頭係度奸笑... @_@ 係咪真係咁奸呀?!係咪咁o岩得咁q?

唔鍾意食既野...

今日既粥同平時有d唔同, 有三文魚, 有雞肉同埋菠菜. 點知呢三種食物都得唔到dodo歡心, 搞到食慾大降, 要99再煲過平時dodo鍾意食既粥至可以食番多d -__-

dodo生長記錄

dodo有61.4cm 長, 6.2kg重, 頭有41cm大.
好在囝囝鍾意食粥至可以重番d咋. 否則實擔心死我呀.
但都要見醫生抽血檢, 重要見營養師.
醫生話bb抽血時一定會喊, 點dodo竟然掛住同靚女護士姐姐玩, 喊都唔喊下, 反而daddy抱佢離開至黎喊, 因為無得同護士姐姐玩 @_@

要食食萍果

dodo對apple好有興趣. 我畀dodo食左一陣拎開, dodo好不滿要繼續食. 哈哈
放工好谷搵囝囝幫手~~
老公畀囝囝食orange, 好勁地咬走舊橙肉, dada好驚dodo會噎住所以搶番, dodo好不滿要繼續食食.

dodo半歲大啦!!!

dodo進化了, 開始肯食粥, 比以前多添!!

突然覺得乖乖

見完cheuk yee同rose個b, 發覺dodo唔係咁難揍.
果日表現仲好好. 睇黎好乖仔~
dodo唔係齋磨娘精~~ wahaha. 會磨下其他人, 唔會淨係奴役momo

sun抱仔

dodo對住阿sun勁含情默默~ 因為阿sun著了紅色衫~
阿sun = sun抱仔. 呵呵
dodo又多2包尿片用啦. 因為betty ee同sun抱仔送的. 多謝晒~~

食腳仔

dodo食腳仔

食腳腳

這是dada的dodo日誌:

dodo 係沖完涼既時候，終於可以食到自己腳仔啦...
不過拎唔切相機影相...

私人奶泵

晚上dodo終於會食云兩邊啦. 第二朝我可以唔使泵奶就返工~ dodo私人奶泵好野!!!

係咪玩野?!

dada暗dodo暗左成個幾鐘至瞓得著.
3點幾又起身, momo成晚無乜點瞓.
到momo6點幾唔再瞓時. dodo至開始瞓得定d.
你話係咪玩野~

dada的dodo日誌

呢一篇係dada的dodo日誌

連續2 晚 成功氹到dodo 訓
係咁唱長腿叔叔

dodo識得啜上唇啦

dodo識得啜上唇啦

壽星媽唔開心

餵dodo飲奶粉, 但只飲到4安, 所以用spoon迫dodo飲, 但竟然飲飲下識得好似噴泉咁吐 d 奶出黎, 又咪實個咀, 又用條脷唔畀spoon壓住黎吐d奶出黎

下午同老公出街慶祝生日, 去左荃灣食雲南米線, 又食魚生壽司, 又買褸過新年.

原本好地地, 諗住就快過12點, 落去接埋囝囝一齊過生日, 點知老公因為我問佢點解佢父病都照攬實dodo一齊係同一間房瞓而呼喝我. 我好嬲, 成晚都好嬲, 連dodo扭計我都唔想理.

咁大個女過生日都未試過今次咁嬲... 佢話不滿我話佢父母, 但我都係以事論事, 無發佢難, 只係講出我想法, 想老公處理下.佢有時話我姐姐, 我都會好似佢咁唔高興, 但我都會以事論事, 唔會發佢脾氣. 但佢就咁對我, 好唔fair !!! 其實我已經忍左好多個星期, 99同62病左好耐, 一直都係咳但就呃自己同人地話自己無病, 只係俗親口水, 鬼信佢地咩?!

無病既bb咁樣同佢地同一間房瞓, 62仲要攬住黎瞓.. 咳完又唔洗手就摸dodo, 咳又無戴口罩... 呢幾日頻頻話dodo有少少發燒, 我擔心都好正常, 但換來係畀人在生日時呼渴, 我呢一世都唔會忘記佢咁對我!!!!

可愛咁玩腳腳

dodo呢兩晚都瞓得定左. 唔會每2hr 就醒一次
dodo好可愛, 拎腳腳玩, 換片片時自己拎住腳腳好盞鬼~
呢2天早上6點dodo就起左身, 跟住對住我笑. poo poo 2次大野
同99, 62飲早茶. dodo就會瞓番.
咁早起身, 咁樣老公話無咁失落, 因為成日仲有時間做其他野

充實的一天

凌晨4點幾同6點幾埋身餵過, dodo6點幾就醒左, 眼碌碌, 跟住我提議同62&99飲早茶, 抱dodo落去, 跟住我地2公婆先去搵位. 之後去行下新港城, 睇下有無電話plan, 又要睇下甲萬~
回家做家務同埋食過lunch
跟住就回家幫dodo洗頭泥同埋沖涼.
餵奶粉7oz只飲3oz. 已經到左下午3點, 時間過得真快.
想瞓下晏覺啦, 點知dodo勁扭計.最後無得瞓晏覺... >.<

難入睡

但始總都係要有爺爺至可以瞓得林同埋好易入睡.
今晚係番自己屋企瞓, 想睡就勁喊, 連大姨抱都無用.
喊到面都紅晒, 聲又沙晒. 我都幫佢唔到, 唯有佢喊到倦, 跟住埋身畀佢啜啜至入到睡. 否則只係得個喊字.
晚上幫dodo著少d衫, 蓋少d被, 果然成晚瞓得無咁差, 至少唔會密密郁郁共.

dodo拎褲腳、楂住腳板、拿住條脷

dodo雙手拎住著梗既褲腳
又識得楂住隻腳板
又識得楂住伸左出黎條脷
在我家, dodo晚上又係睡得好差 @_@

dodo識得咬下唇~

dodo識得咬下唇~

揍do日子過得超快

早上7 點幾dodo便醒了, 我不得不醒, 陪他玩到9點半, 跟住佢又瞓番, 再醒已是11點半, 帶dodo出去同爺爺女麻女麻飲茶返來已是1點半, 幫dodo沖埋涼餵埋奶便是3點半了.... 老公每次望鐘都感覺驚訝! 咁又過左一日... 都無乜點做過... 4點幾我地好倦又再瞓, 因為昨晚dodo瞓得好差, 成晚醒又郁郁共. 再醒便是6點... 涼埋涼落去62同99 度食飯... 回家已是9點幾10點... 咁就無晒成日.. 時間係咪好快過呢?!揍do日子就係咁...

slim囝囝

一回家便好想抱住dodo. 接了dodo回家過夜. 天氣回暖, dodo著少左衫, 見到dodo slim身型~
dodo成日捽腳仔~ 又有手汗. 成日都好似好緊張咁.

van結婚

晚上去飲van果餐, 回到家已是12點, 不能探下dodo. 好掛住dodo呀

"酥"蝦味

大姨同佢男友楂車載我同dodo入將軍澳探anita一家
anita媽同anita猛話dodo "酥"味好香, 又話dodo條脷又長又尖, 大個實牙尖咀利喎~~
之後一齊入去科大影下相.
momo可以懷愐下10年前係科大住宿讀書日子~

可愛之囝囝

凌晨dodo喊, 我以為佢太熱, 除左佢條褲仔, 早上吩咐左dada記住幫dodo著番條褲仔~
晚上下班回家食飯, dodo坐車仔 gu 起身想食armrest. 個樣好搞笑.
之後抱dodo回家玩下, 等佢認下地方, 10點半至抱番落去過夜, 因為momo同dada實在太累了.
同dodo玩, dodo成日都啊大個口仔. 好得意~

愛大眼的dodo?

前晚見dodo一望到大姨就kaka笑, 於是懷疑dodo鍾意大眼女仔, 所以我除左眼鏡係dodo面前整古怪, 勁誇張咁至引到dodo笑兩聲.. 但大姨唔使點做, dodo就笑得好開心.. @_@點解會咁...

晚上又係早左接囝囝返屋企, 但9點幾就想瞓... 到10點幾就唔想瞓... 搞到11點半餵奶都唔係好肯食.. 搞到12點至肯飲..
而家dodo大左. 擺個手指埋去佢咀仔, 平時肚餓會想食我個手指架嘛, 而家唔理我個手指

99今日餵dodo食蕃薯粥.

透明父母

晚上回到家中, 見到dodo對我同dada不瞅不睬, 所以決定早點接dodo回家, 希望多點時間對住他.
晚上10點便自行入睡, 12點要食食, 跟住好似唔想瞓, 要抱抱, 所以埋身做dodo人肉奶咀至瞓到, 跟住.. 就慘啦, 每隔2hr就醒一醒. 2 點, 4點幾, 6點幾.. 最後2 次係要食食..
返工真係好眼瞓....

透明父母

今天第二天飲黑豆茶. 上網有人奶媽話黑豆茶可以上奶, 見近日奶量減少了(唔知係咪因為缺乏休息同埋工作壓力大), 所以試下.

晚上姐姐同我地一齊食飯, 畀99見識到dodo見到大姨係會笑到出聲, 勁high咁~
可惜, dodo勁唔想望dada, 又當momo 透明睇唔到, 我同dada都好hurt >.<
明天一定要陪多d 仔仔至得!!!

99今日餵dodo食魚粥... 但我覺得d 米好硬.. 又無乜點用磨研器. 我覺得有d危險囉.. 可能有魚骨架嘛..

晚上99急call我地落去話dodo勁喊, 原來係咁唔肯飲奶樽... 要我埋身餵. 但剛泵完無乜奶畀到dodo, 但dodo都照啜... 比著平時dodo實無耐性

人肉奶樽

早上未到8點醒左, 要換片片.. momo好眼瞓... 因為4點幾dodo要食食. 陪dodo玩左個幾鐘. dodo自行入睡, momo好開心咁一齊瞓到11點幾.
下午2點去飲茶, 點知dodo肚仔餓, 又無帶奶, 唯有我抱dodo入toilet 餵. 點知有小朋友入黎, 好鬼嘈, dodo每聽到嘈, 都鬆口四圍望. dada話dodo係八掛仔~
姐姐同埋男友adam帶左軒軒出街去新港城. dodo返黎係瞓梗, 不過隻手楂實牛牛. 下午同爺爺勁瞓, 99心知不妙... 晚上當我接囝囝, 我見到do爺爺漆黑中係廳抱住dodo暗佢訓..爺爺話dodo係2008度過夜, 辛苦晒爺爺.

dodo個頭似momo?!

dodo 成晚瞓覺都ee ur ur... 可能打左針瞓得唔好. 不過, 只係dada聽到, momo大昏睡, shut down左hearing system. :p

我同老公講. dodo個頭殼好似我~ 叫老公摸摸我個頭就知

四個月到健康院打針

早上9點幾dodo叫醒左momo, 我以為佢要食食點知又唔係. 咁即刻幫佢換片片啦, 跟住同佢玩左一陣10點就自行入睡, 10點半帶dodo出去會合99同62飲茶. 飲茶期間dodo poo poo到全背都係屎屎, 要即場同99一齊夾手夾腳幫dodo換片.
回到家中, 聽99講dodo又懶到一身都係屎屎@@今日係屎屎日...

飲茶時99叫我畀馬拉糕畀軒軒食, 又話昨天軒軒識吞叉燒包皮. 咁我咪畀軒軒食囉. 雖然醫生話bb咁細消化功能未成熟, 但99 有自已果套, 唯有順從. 而軒軒吞左三舊仔馬拉糕, 跟住我餵軒軒飲水, 驚佢食solid food 便秘~

下午到健康院磅重, 係5.16kg... 重過一包米多少少咋.. 離最細碼條線有一大段距離.. 姑娘見狀就要我帶埋軒軒一齊度高(我)度長度(軒軒).. 跟住話我係161cm 女士屬中碼, 而佬同我高度差不多, 男士屬細碼, 而長度同體重就比例. 跟住要見醫生睇下係咪身體有毛病以致體重咁輕... 但醫生檢查後就話軒軒反應正常, 八成機會係遺傳... 只要健康就ok. 可能遲d至長高番.

姑娘幫軒軒做一個四個月既發展檢查, 結果都好正常, 又話平時畀手握玩具畀軒軒玩, 放係佢前面等佢自己攞, 等佢放鬆下拳頭仔, 唔好成日緊握拳頭喎. 檢查包括拎一個搖會響既玩具, 係佢面前搖搖, 軒軒雙眼跟住玩具左右走, 拷拷拳頭又會鬆手握住玩具, 但左手就拷好耐至肯鬆拳頭楂住. 坐係99 大脾, 就話軒軒頸部同背隻都夠力. 我問姑娘軒軒咁早要企同埋行兩步, 好擔心過早, 姑娘就話係bb有能力至會想做呢d動作, 所以不用擔心喎~

我仲係99面前專登問醫生係咪飲奶粉會大隻d, 跟住醫生話要先考慮成份, 唔可以單睇熱量. 母乳有二百幾種營養奶粉只係造到十幾廿幾種, 6個月前只要飲奶就夠營養. 等99唔好成日話要軒軒飲奶粉, 又話要畀魚湯粥畀軒軒食

當晚dodo好似有d低燒, 所以成晚貼退熱貼. 好在反應唔係好大

dodo同姐姐真係投緣, 姐姐一來到, 係佢面前眨下眼, dodo就笑, 拎個牛牛係佢面前飄下飄下到佢心口仔, 就kaka大笑. 跟住姐姐就同dodo拍video, 佬見到dodo咁開心, 就即刻擺上面書分享~

dodo真係認人認屋呀!!!

dodo晚上回到2114 玩左一陣就嚎哭, 喊過不停,
dada同momo試下抱dodo落去2008睇下有無唔同.
竟然爺爺一抱就瞓 !!!!!!!!!!!

@_@

跟住抱番上黎, 瞓左一陣醒左又喊, 勁喊...
dada托米咁抱住dodo係屋企四圍跑至收少少聲, 食手仔, 好似勁無安全感.
最後放係我同佬中間, 一直都喊唔停, 畀牛牛公仔佢至收聲, 但仲係好唔開心,
最後momo抱住佢瞓就放番籃, 但好快又醒番, 唯有攬實佢瞓至有番d安全感至肯瞓...

Avatar @ iSquare

當晚同yan yan ee 去睇avatar (imax), 真係好好睇, 一氣呵成, 又無冷場.
不過我入場無耐就覺得有d淹悶...似暈車浪果種. 所以要自己控制呼吸, 提醒自己唔好咁"in" the movie (因為3D). 跟住頂唔順至食一個飽, 仲要係慢慢食, 唔好一次過食, 驚會吐. 好在最後臨尾好緊張就忘記左淹悶感覺.

之後去附近江川食sushi, 好好味呀. d 飯又唔散, 魚肉又新鮮, 又唔使排隊, 好過元綠同板長多多聲啦. 哈哈.

晚上12點回家.. 佬好像不高興... 又唔等埋我就自己去探囝囝... >__<
平時佬出街, 我自己抱住囝囝靜心等佢返黎, 做乜我今次夜左少少就對我不滿喎... \
不過最後佬都無怪我. 而我又無嬲佢. 和平收場. 哈哈!

奇怪的dodo

do 晚上1點瞓到早上8點都唔肯醒. 最後dada返工前抱落去99度, 拍醒佢飲奶. 但都只係飲得3安 @_@ 乜真係咁細食?!

日日的作息時間都唔定, 都唔知點tune... 可能老爺同奶奶都唔落力幫我地日抖tune 軒軒, 而晚上亦因為白天睡眠時間唔同搞到調整唔到. 即使juana ee話要趁細快d tune.. 我都無能為力. 她叫我請一週假自己tune喎, 但佬又唔贊成... 亂咁請假... 日後dodo去健康院都要我請假帶佢去...

dodo, 你爭氣d啦...

處女dodo

今日check下dodo係乜星座, 原來dodo係處女dodo

晚上試下用combi 粥仔研磨器顏粥仔, 餵左dodo食幾答都好肯食.

dodo識得行兩步添 @_@

軒軒今天足四個月啦.

dodo識得行兩步添呀. 不過無影底video. 老公要記住啦!!!
dodo唔鍾意轉身, 淨係鍾坐起來同埋企起身~
dodo玩玩具勁無耐性, 勁講野~

betty同未婚夫探訪

當日betty ee同佢個佬叔叔黎探dodo, 一見到dodo就話dodo長大左好多. 係呀. 佢而家個樣同初生唔同晒啦. 玩betty ee 送既音樂琴, 勁o都起個咀, 勁想食, 玩到咁上下就 e e ur ur 係咁講野, 勁搞笑.\

有客人黎, 梗係叫dodo表演下佢未足四個月就有意慾企起來啦! heehee.