今人頭痛的大細do

今天陪月放假, 試下全埋身餵唔奶粉，可惜每個鐘都要食，搞到大家無時停。之前果晚2dodo肯瞓我唔係太累，但當晚兩點至四點幾都係眼碌碌又嘈到我瞓唔到。又勁食得少食得密，給他玩謝了。

dodo專登對嫲嫲heehee笑，我覺得似吸引人注意，唔知係咪細佬出左世？
dodo又嘔啦，嫲嫲迫飲魚肝油，嘔到下午食腸粉都嘔埋出黎。

親戚及朋友探訪

早上大姨, 表姐一家, 表哥一家黎探2dodo. dodo跟左99去飲茶, 遲遲都未返, 否則可以同cyrus玩.

dodo今天跟小毛叔,mandy ee玩得好開心因為小毛叔不停咁教禁電視禁dvd機開電視櫃門，姐說他好似同家中隻貓玩一樣@@"
Dodo又畀小毛叔marco叔教啜細佬腳指，好變態

好掛住dodo

今晚帶了dodo回來同我瞓，好開心因為好耐無同dodo過夜，十點帶他入睡房暗左成個鐘至能入睡。早上五點幫佢換片片點知就彈起來醒左，暗兩小時都瞓唔番，最後dada帶他落去爺爺嫲嫲度。他們去飲茶時，dodo倦到瞓著左

聽電話

dodo鍾意拎電話畀爺爺嫲嫲聽

哥哥探細佬

dodo識得帶路上黎2114睇細佬
又識得拎嫲嫲對鞋出街

媽媽生忌

今天姐姐答應會去拜媽咪.
當晚老公買左糕點在家當天拜媽咪, 同媽咪傾計.
同媽咪講dodo同2dodo 點, 叫媽咪放心.

要做評估

由於dodo遲遲未識講野, 被兒科醫生轉介去做評估.
姑娘問左好多問題, 又教我地點教dodo講野.
要訣: 不停重覆, 配合手勢+誇張表情.
姑娘觀察到dodo做野好心急, 凡事唔好即刻畀dodo, 要佢等5秒至滿足他.

其間發現dodo 識上樓梯，扶住扶手一步一步咁上

愛掉東晒的dodo

Dodo拎洗衣機塊布丟進垃圾桶

親戚探訪

十二朝係平日, 親戚唔得閒, 改左weekend.
當日早上有姨姨同舅父黎探2dodo, 食薑醋.

見人奶姑娘

去健康院見到教媽媽點餵人奶既姑娘.
上週第一次見人奶姑娘, 已經學到點樣至餵得唔痛.
姑娘十悉心解釋人奶要點.
1. 要mak大個口至畀bb啜
2. 餵時抱bb既手勢
3. 餵時唔好畀bb瞓, 唔好著咁多衫, 媽媽坐"知"點至舒服.
4. 餵完都要掃風
5. 點至算係餵飽, 就係佢掃完風唔想再食
6. 要食晒一邊 (前奶+後奶)至有助成長

仲有我問左點可以邊餵邊bump.

今次人奶姑娘check下餵人奶有無困難.
其實我無乜埋身餵, 仲補埋奶粉, 所以無乜大困難.

dodo識得叫人帶佢去街街

dodo拖嫲嫲隻手要離開2114
嫲嫲說dodo識得幫嫲嫲拎鞋去街

dodo給我感覺不再是bb!!突然大個左好多，但仍然唔識講野

dodo識得閃人

dodo識拖嫲嫲離開2114
鍾意食魚

見產科醫生

傷口有d痕, 有d擔心好似上次咁傷口發炎.
見左醫生, 醫生話無事喎. 傷口埋得幾好喎.

dodo掉片片

叫dodo去掉片片, 佢識得拎住條片, 走去垃圾筒掉. 佢幫自己同細佬掉片片.

2dodo甩臍帶

出世後七天便甩臍帶

大do自己主動拎奶樽

之前大do一直都係要迫至肯拎住奶樽自己飲, 但當見你幫佢拎1拎, 佢就放手, 點都唔肯拎番. 再迫佢佢就寧可唔飲走佬.
今日我好掛住dodo, 所以落去99度, 拎支奶畀佢飲, 佢竟然自己伸手奶樽放入口. 做左大佬, 果然唔同d.

2dodo出院~

年初二可以出院架. 但老公話屋企未執得切野, 2dodo衫仔又未乾. 叫我住多一日, 好在姑娘都肯畀我住到年初三. 而陪月年初四至開工, 時間o岩o岩好~

出院果日, 大do見到2dodo好開心~~

大佬軒突然大個仔

聽老公講, dodo年初一識得自己拎住餅乾食! 仲影埋video 畀我睇.

dodo做大佬啦

成晚係醫院都覺得有D肚痛, 尤其聽肚機時, 可能勒住個肚, 個肚痛到又暈又想嘔. 聽完之後姑娘叫我落地行下, 即刻唔痛喎. 行出去走廊, 老公陪我行黎行去. 到一點幾, 我叫佢返屋企先, 皆因唔知幾時至生得.

成晚都隱隱作痛但很輕微, 因為我仲瞓到.
後來早上六點幾開始痛密左.但到中午又無乜點痛.
以下係我記錄住陣痛既時間同痛既程度.
-----------------------------------
3feb
6:17am little
6:22am little
6:28 little
6:34am little
6:39am little
6:44am little
6:48
6:57
7:05
7:16
7:21
7:26
7:30
7:40
7:48
7:58
8:05
8:15
8:26 v.short
8:34 v.short
8:40 v.short
8:48 v.short
8:51
9:05am little
9:30am v.short
9:47am v.short but sharp pain
9:56am v.short
10:09am v.short
10:19am little


1:56pm pain
2:24pm pain
2:47pm pain
3:03pm pain
2:36pm pain
3:52pm little
3:55pm
3:59pm
4:07pm
4:18pm
4:28pm pain
4:41pm
4:58pm
5:07pm
5:15pm
5:27pm
5:31pm
5:37pm
5:40pm
-----------------------------------

姑娘話成個肚都痛, 痛得密到三分鐘, 同埋有"急屎"感覺至係生得, 話我有排未生得.
到下午五點幾開始痛得密左, 但無以上特徵, 最後五點四十分痛得好怪, 有急薯薯感覺, 最後去埋TOILET痛到行唔到, 我同姑娘講, 佢問我第幾胎, 我答第二胎就把我扶番我上床檢查, 跟住就話我生得, 要推我落產房, 我馬上話未CALL我老公, 叫姑娘幫我CALL (我痛到打唔到電話). 但姑娘話要顧左媽媽先.
入左去產房, 好在當時係探期, 老公黎梗, 仲發現我唔係床度, 所以去產房門口問我情況.

好在老公黎得及時, 佢握住我隻左手, 聽助產士指示生2DODO.
我唔識呼吸, 又唔識用力, 姑娘係咁糾正我.仲話我第二胎做乜連呼吸都唔識... 無他, 我忘記左囉.
又叫我唔好"奏"眉, 唔好咬齒用力, 又唔好嗌出聲.
到生出2dodo個頭時, 生生下叫我停... 我下面好痛喎. 做乜叫我停... ?!
跟住再用力推個頭出黎我至無咁痛. 可能呢個時候撕裂左有傷口... @_@
五點五十分入產房, 最後六點十四分生左出黎. 仲同老公講點解又係單眼皮. 個鼻同大do好似. 哈哈.
姑娘仲話我無聞笑氣... 好勁...
跟住係咁問我開始痛得密係幾時, 因為我產程超級短, 佢要寫番底d資料.

由於我懷孕時有妊娠糖尿, 2dodo出世時有血糖低狀況, 姑娘仲話可能要送2dodo去兒科. 打電話去兒科, 兒科醫生話試下先食奶粉, 睇下血糖會唔會升番至再作決定. 好彩, 即係2dodo可以跟住我先.(後記: 好在最後2dodo既血糖無事)

係產房, 等左差不多兩個鐘都未上得番去. 姑娘幫我埋身餵, 但都畀2dodo啜損左右邊... 真係大力呀!!!
我叫姑娘畀我打電話給老公幫我買飯盒, 因為我餓到想死. (後記: 到我出院果日.. 兩邊都啜到損晒仲流血... 好鬼痛呀! 返到屋企, 齋bump唔埋身餵住)

但見到2dodo真係好開心.

未落地前, 要飲多d水, 要有小便至確定無事, 我都好乖咁飲好多水水, 薯薯順利!
隔左八小時後落地, 姑娘陪我去洗手間,點知一出黎就暈底左, 完完全全無知覺, 果幾秒之間我感覺像遊雲...
咁大個女都未試過. 亦因為咁, 姑娘都無咁快交番2dodo畀我揍, 咁樣我就可以休息耐d. 未嘗唔係一件好事.

見紅!!!

年卅晚, 中午可以早放工, 好開心. 拿拿林去買高粉, 鳯梨餡, 椰漿等多材料, 諗住整鳳梨卷作賀年食品. 又想放產假時玩bread maker.

前一晚開始有d喉痛. 仲擔心臨放假至黎病.
當日下午睡了午覺休息, 仲煩梗去邊度睇醫生, 因為驚新年無醫生.
當晚老公陪我去超巿買野, 買左產婦衞生巾, 點知食完飯就見紅(粉紅, 唔似上次鮮紅)
拿拿林打畀陪月問好唔好入院, 但仲未執走佬袋?!

決定入院, 老公好緊張, 一定要佢係屋企至可以沖涼, 仲要快沖.

之前仲同各個朋友講唔會咁巧合新年係醫院過, 點知開口中...

當晚入左醫院, 都真係幾擔心真係咁快出世... 仲以為今次長胎, 應該可以足40週. 點知都係要早兩週出世.
當著好左醫院衫, 瞓低做聽肚機.... 老公在走廊出面等. 自己都仲係唔係太相信就快出世.. 係度諗.. 今次見粉紅o者, 又唔係鮮紅... 唔會真係年初一呀嘛... 真係要醫院過新年?

今年無得同dodo, 老公一齊過新年, 要自己一個人過... 成晚都孤孤單單瞓係張病床度... 清晨隱約聽到成堆姑娘大大聲恭賀新禧, 勁講祝賀說話. 而我地呢班mama就瞓晒係度好辛苦咁... 無乜過新年既氣氛同心情.

好掛住dodo同老公呀!!! 唔知dodo點呢... 著左我買畀佢既唐裝新年衫係咪好靚仔呢?!