昨天老公帶我去佢公司附近club house 游水, 跟住陪我返順利村睇中醫, 跟住再陪我入粉嶺同二哥一家食飯.
係游池, 全場無其他人, 只得2名救生員, 老公同埋我, 感覺超自在. 仲要無風吹, 游水時只有自己既水聲, 感覺好正. 諗起未落水前, 我猛喊好凍呀!!!好凍呀!!! 事關當時沒有太陽, 感覺會凍. 一落水就馬上游呀游, 感覺warm up左無咁凍. 但老公就畀我塞佢食lunch好飽, 所以狀況唔好, 佢決定唔游. 全程望實我, 我要上水抖下就拎大毛巾包住我.
睇中醫, 今次好豪咁執了七日藥. 諗住希望快d好番. 至少清左感冒, 胃部不適, 等dodo 好d. 而老公今次都一齊睇埋中醫. 希望老公腸胃好d啦, 清下熱毒.
晚上楂車入粉嶺, 諗住仲有時間剩, 想係附近睇下有無bb野啦. 點知牽晴間乜bb野都無 #__#.
而家出街不知不覺都會諗住睇bb 野, 而唔係自己野. 哈哈. 心態都改左.
今朝起身.. 真係救命... 條腰好倦呀!!! 太耐無游水啦. 所以係咁. 不過.. 唔知因游水定子宮擴張而覺得個肚子陰陰痛.. 希望唔關游水事啦. 覺得自己大肚成日都亂諗野....
沒有留言:
張貼留言