angel = devil dodo

昨晚momo大昏睡, 無泵奶奶, 搞到早上好痛同埋漏左好多, 半夜由於dodo不在我邊過夜又不能徵用私人奶泵~~

老公同我講dodo昨晚12點飲6安奶奶... 點解成日都係... angel dodo plays @2008 but devil dodo @2114

dodo識得企起來啦! 不過, 係要楂住我地兩隻手指咁企. 我都擔心dodo太早企, 隻腳會彎. 所以唔會畀dodo亂黎!

家三口睇Ice Age 3

早上六點幾dodo醒左自己玩, 後來就聊dada傾偈, 原來dodo肚餓了. 馬上抱他去99度開餐, 我便準備返工.
昨晚老公好好心機幫我揀相放入相架畀我帶返公司擺~~ kiss kiss. 多謝老公~ 望住dodo張相就好開心~ dodo扮晒大隻 (因為著到成隻糉咁)

當日可以hot(home on time), 所以五點半回到家接走dodo. 返到屋企同佢玩左一陣就好眼訓. 六點幾埋身餵dodo後dodo又好眼瞓, 整醒左佢至接到dada既call, 提可以畀dodo瞓一陣, 點知dodo醒晒... 到七點七再埋身餵至睡得著.

晚餐係佬買既愛心sushi, 睇ice age3時叫醒囝囝, 點知dodo唔愛定定地睇卡通, 係咁喊/嗌, 表現到勁無耐性 @_@
差不多睇完時, dodo又瞓著, 咁我地兩公婆都上床一齊瞓, 點知呢一刻dodo醒左.. @_@唯有抱佢落去99度...

掛住囝囝

dodo在2008過夜, momo成日都好掛住dodo. 晚上去完二哥家吃飯後回家先馬上探過囝囝至回2114沖涼烚奶樽. 姐姐都十分掛住軒軒, 跟他玩到12點幾, dodo想睡才交回給我. 9點吃過奶奶, 若果當時睡,不一會實會再起身, 所以我趕快坐熱奶奶(有料), 餵dodo, dodo一口氣吃了4安, 然後再次入睡. 實在太好了~ 一個乖dodo應該飲飽奶奶就睡架嘛~~ 不過掃好耐風都無ur氣, 唯有打側身睡好了.

sherlock holmes 之夜

momo約左anita ee 睇戲同食日本放題, 食得同埋睇得好開心.
成套戲都好緊張刺激, 打鬥場面特別, 不過主角跟我細個時睇既小說就好唔同啦.
gentlement變左打勁得又查案勁, 不過角色都素造到幾特別, 應該係叫天生異品.

12點半回家後去2008探dodo. dodo當時仍很精神. dada提議打打dodo等佢喊到累入睡, 但爺爺唔肯, 最後dodo玩到2點37至瞓. dada話早上落去見到dodo扭抱抱~

舊同事探訪

dodo 整個下午沒有睡, 即使在廳訓著, 一抱起他想放他入房睡便醒過來. 可能多人在, 想跟他們玩, 不想睡吧.
當晚8點睡醒便喊, 我已即刻衝入房,竟然發現dodo抓傷了自己額頭, 流血.. 我肉都赤晒>.< 原來dodo很餓發忟憎. 一口氣渴了5安奶奶. 到10點10抱番dodo返屋企, 他又醒過來, 渴了4.8安奶奶(有料). 12點15分, dada打打dodo, 等dodo哭, 很快10點35分便睡著~
一家三口不到1點便一齊上床睡了~~ 很感動
但半夜4點幾dodo便喊要食食. 到7點半又醒了要食食.
點解成日半夜至黎肚餓. 但白天就成日都唔見佢咁餓.. @_@

xmas party 2009

當晚lansoc party搞到2點幾, dodo 仲係鬼打咁精神. 雖然12點幾瞓著左, 但餵奶途中佢醒左, 直至到三點4至瞓著~~
既然大家都玩到咁夜, 唔想浪費擺dodo落去2008既quota, 所以dodo同大家一齊做xmas夜鬼~

認屋認房+xmas影相

試過幾次了, 都係一落去佢爺爺女麻女麻度無耐就入睡, 但係我同佬屋企就夜夜都唔瞓, 十分懷疑dodo認屋, 可能平時日抖都係爺爺女麻女麻間睡房瞓, 所以晚上都肯瞓. 我即刻同佬同埋姐姐講, 平時多d同dodo係房玩, 等dodo習慣下至得!

當日我同姐姐早放工, 於是返屋企5點帶dodo去新港城影相~~
影完新港城, 想去馬鞍山中心影聖誕樹, 點知dodo睡著了~~
到老公放工過來會合我們, 就抱起dodo, dodo醒了, 便再次影相~

一家三口過xmas~~

坐起來

99 話dodo有新招, 仲即席表演我睇. 就係dodo斜斜地瞓, 畀兩隻手指dodo楂住, 成個人跟住手指既力坐起來~~

搞到我好想買張bumbo seat畀dodo坐, 因為到四個月應該開始夠力坐~~

dodo入睡法

當晚又讓dodo喊15min都未入睡, 抱起5min再放低佢, 又喊15min都仲未入睡, 抱起佢雙眼仲係好大.. 表示佢仲有好多精力~ 仲有, 都有少少喊到傻左, 因為dada抱住佢坐底左一陣都發癲咁喊.最後放在床上, 畀奶咀塞住佢, 同埋掃佢額頭到眼部份, 佢喊都由得佢, 掃到佢平靜唯止, 現在係2am,dodo好似瞓著但仍飲泣~ 希望佢真係瞓到天亮啦~ 雖然把聲喊到沙沙地, 但有邊個小朋友會唔喊呀~ 所以係好正常, 只要喊到唔好抖唔到氣就得啦. 但奶奶成日覺得我虐待佢粒孫, 真係唔理得佢咁多.

dodo成日手仔凍, 奶奶猛話佢好冰, 又話佢凍到發紫, 同佢愈著愈多衫, 成舊椶咁.
老公話最重要係個身唔凍, 跟住我插嘴話其實同大人一樣咪得囉. 佢竟然"疾"我, 話乜比大人著仲少d. 跟住我clarify話係同大人一樣, 唔係比大人著得仲少, 佢就駁我話你件衫暖咁多點同, 你著乜衫, 軒軒著乜衫, 點同?! 激死人, 佢又駁咀, 成日覺得自己啱晒 @_@ 我唯有話"你咁講你講晒啦~"

第一次bb 派對

今日參加bb派對. dodo對著很多叔叔同姨姨都無喊, 但見人地d b 咁熱衷飲奶同埋咁大隻, 而dodo就咁細粒同埋唔愛飲好多奶奶, 真係大對比啊~
當晚讓dodo喊15分鐘都未能入睡. dada仲話dodo喊到傻左,抱起左都照飲泣同埋照喊, 似係扭眼瞓~ 最後要dada出手抱住暗佢瞓

dodo成功自行入睡

晚上讓dodo喊三個字就成功自己入讓. momo同dada都很高興.

被玩謝了

早上我估dodo6點幾起醒左, 因為聽到聲. 試下佢係咪想食食然後埋身餵, 發現佢手仔濕濕, 應該自己起左身跟住勁食拳頭.
唔明之前果日無乜點瞓, 晚上都瞓得唔多.. 然後, 精神到9點9又再次昏睡... 99 話放棄整醒dodo喎... 我當天被玩謝了, 超級倦... 即使放假都未能叉番電....

我拎左姐姐買的牛牛公仔落去2008畀dodo玩. dodo見到牛牛勁想食, 佢識得用手楂住牛牛隻手/耳仔拉牛牛隻鼻埋黎, 勁想食牛扒~~ 情況好好笑, 睇到99勁開心~ 下次一定要帶定相機影相!

日瞓夜唔瞓

當天99唔畀dodo日抖瞓, 將他腳仔放落冰凍地板上凍醒他. 以為這方法湊效, 怎料情況依舊. dodo當晚12點幾曾自行入睡但換片後醒了及勁精神直至2點幾才入睡.

晚飯後, dodo在床上我沒有抱起他, 他便哭著要人抱. 他竟然看到我, 碌大眼睛望實我, 樣子很可憐的, 好像在哀求我抱他. 當時我怕他記著我不抱他, 很想躲起來. >_<

第一次看中醫

當天帶了dodo去看中醫. 醫生話dodo有d 傷風. 唔怪得前一天早上埋身餵發覺他有點鼻水~ 好在飲媽媽奶至無病發出黎(唯有咁諗)

話咁快dodo三個月啦

成日都好想寫blog, 記底揍dodo 既一點一滴. 可惜我同佬日日都忙揍仔, 有時間就休息. 皆因小魔怪成日唔肯夜晚瞓~
坊間有云bb扭計會扭一百日就唔再扭, 所以我同佬都期待呢一日既來臨~

抱dodo回家的第一晚, 將dodo放係bb床, 點知佢唔制係度喊...
我同老公都r 晒頭... 係醫院都肯瞓床仔架?!
跟住發現同佢玩fing 高高就收聲... 唔係呱, 幾日人仔就識得玩..
果晚就無乜點瞓, 因為dodo成日醒, 可能食唔飽, 期待陪月快d黎救我~

一生人第一次坐月
日夜癲倒既生活, 初時因為未上奶, 唔夠dodo食, 食唔飽就會喊. 我同佬都好擔心, 想補奶粉, 但dodo咀仔好細, 用chuchu奶嘴又食唔到, 搞左幾晚...後來陪月幫我買pigeon 偏咀奶咀至開始好d. 晚上老公可以幫手餵奶粉. 而表姐借了個medela奶泵, 再加上陪月整各樣上食奶食品過我, 我逐漸上奶, 泵出黎既奶, 可以叫陪月日抖幫我餵, 晚上老公都可以幫手. 但可惜我亦不能因此一覺瞓天光, 因為谷奶要半夜泵出黎. 餵奶/泵完奶都會好餓搵野食... 因此我身裁沒有因餵人奶而瘦...@_@

後來dodo晚上唔肯瞓, 佬日抖要返工, 所以晚上就等我同dodo作戰... 日日都好喪咁交畀陪月日抖照顧, 我就去瞓番兩三粒鐘... 呢種生活過左個幾月...

"恐怖"呢兩個字.. 坐月日日講幾十次.
因為晚晚無得瞓.. 真係人都癲.唔夠瞓個人又忟. 仲要老爺同奶奶成日抱dodo, 搞到dodo入晒腦, 原來畀人抱係咁舒服, 所以成日扭. 佢地心癢癢抱dodo貪過癮一陣, 但晚上成晚要我黎應付dodo, 真係好嬲架!!!
同佢地講仲要駁我咀, 話半夜可以抱dodo落去佢度畀佢照顧. 頭一晚係下面過夜, 奶奶就猛話"好恐怖呀! 你個仔唔肯瞓! 要人邊行邊抱" 如今我返左工, 有時拎落去過夜, 都唔可以成日係下面過夜, 佢兩老都頂唔順啦, 仲不時係度牙刷刷!

係自己屋企坐月, 竟然無私人空間~
因為老爺日日weekday上黎打等, 初時下午黎一兩粒鐘就無乜所謂, 但後來愈來愈密, 早上又黎, lunch後又黎. 我餵奶又唔方便, 泵奶又要呢番入房, 仲要係廳泵梗奶, 老爺殺上黎, 我要走難咁執野入房. 叫左老公同佢地講上黎要打個電話先 (我覺得自己算係好好人, 無唔准佢上黎, 都明白老爺退左休好悶, 好想同孫仔玩)
但老爺當我要求耳邊風, 我親口同佢講都一樣係咁. 激死我! 我無諗過坐月係自己屋企坐都咁慘. 成日呢入房, 想見個仔都唔得..
好彩後來過左個幾月, 老爺少左日抖上黎, 我至舒服番d~ 否則我實有產後抑鬱!

陪月走了, 要自己揍dodo.
自己第一次同dodo沖涼, 初頭抹面洗頭都喊架,但我安撫下佢至繼續, 落水沖涼時就安靜. 到抱番佢上黎抹乾換衫都無喊~ 一路著衫一路唱歌歌讚dodo:"dodo真係好鬼叻dodo真係好鬼醒"dodo仲係度笑添! 我開心到即刻打畀佬同佢講我成功同dodo沖涼!!!
第一次幫dodo剪指甲. 第一次全日自己照顧dodo. 好多的第一次~~ 很開心!

邊個話放產假係勁嘆勁休息?!
放假後一返工就好倦同勁病, 同事話我放咁耐假, 嘆慣左所以唔慣返工!
邊個話架. 我只係普通既媽媽, 唔係有錢寬太, 無工人服侍我同dodo. 好多野都要佬同我一齊頂.
坐月到陪月走左自己揍dodo, 由頭到尾真係無乜點嘆過. 人地話應該同bb同步休息, 但又未必即刻瞓得著. 暗得佢瞓黎, 都過左唔少時間, 到佢醒時我仲未瞓得著.

分更制
夜晚我同佬要分兩更應付dodo. 早更係晚飯後佬盡快瞓
到10點9至11點, 就起身照顧dodo到半夜2 或 3點. 通常我谷奶會自動醒, 跟住接更, 等佬去瞓第三朝去返工. 跟住日抖等陪月黎我就瞓番陣. 陪月走左, 就睇有無機會同dodo一齊瞓叉下電.等老公放工接黎接更.

到返工了..
咁o岩天氣又凍, 半夜餵奶或晨早泵奶都著涼, 一直咁病... 到而家感冒都未清晒. 中醫仲問我有幾多睡眠時間, 我話好少... 早上我要6點半起身梳洗食早餐泵奶, 7點半要出門口, 在公司lunch後要入toilet泵奶, 放工後正常泵完至返屋企, 但係公司好忙時就無時間了, 返到屋企至泵啦. 日日返工都好喪. 頭一星期沒有休息, 連返5日, 到星期五就倦到不得了, 感冒又發作... 我仲有幾日年假, 於是放星期二同四, 當係中場休息.

母親的養育之恩
開始明白媽含辛茹苦揍大我同姐姐真係唔簡單. 而家我有佬同老爺奶奶幫下手. 但當年媽咪只得自己一個. 很佩服媽咪. 雖然媽媽離開左我, 見唔到dodo, 但我永遠都咁掛住媽媽及媽媽愛錫我果份溫暖~

dodo趕住開學

二零零九年八月卅一晚零晨四點幾, 我feel到有野流出黎, 我仲擔心係穿羊胎水. 點知原來係見紅了.
於是我大嗌老公, 老公即刻送我入院.
到了醫院, 老公幫我辦入院手續, 而我就入了一間房做檢查, 然後入病房聽肚, 聽dodo心跳, 一感覺到dodo郁就按部機既制以作紀錄, 而聽肚期間我感覺到輕微而疏的陣痛.
老公在外等候.兩小時後我便可以落床, 便馬上出去同老公講dodo心跳ok
老公陪我食早餐, 然後老公就回家準備上班. 辛苦晒do爸了~

二零零九年八月卅一
在醫院裡, 陣痛大約一小時一次, 我問姑娘當天可否回家. 她說即日入院, 點都要觀察一晚.

二零零九年九月一
唯有耐心等第二天見醫生時問可否回家等. 這個醫生看來非常年青, 不覺得經驗豐富那種.
她問我住哪裡, 若果不近醫院的便不建議回家, 因為路途遙遠很危險.她准我回家等陣痛再密一點再入院.
我很開心, 因為覺得可能等上幾天, 回家便可做自己想做的事.
於是我等老公下班接我回家.

到家中樓下, 我到了屋村salon剪髮, 我十分不滿意這個髮型!!!!
以後我一定唔會再幫襯. 但為了dodo, 算啦~ 而家咁短坐月洗頭勁方便.

回家食過晚飯, 沖涼, 然後上床睡, 其間都有陣痛, 大約廿十分鐘至一小時一次. 但愈黎愈密, 到上床後半小時, 便是十分鍾一次. (我一直都用手機記底陣痛時間)
anita打黎, 她知我先見紅仲要出院, 她說很危險, 堅持我要馬上入院.
但當時我想老公再休息多一陣同埋想睇陣痛係咪再密一點想入院.

anita媽再打畀我老公, 堅持一定要送我入院. 當時我愈痛愈密, 老公見狀便call白車.
十分鐘一次, 白車來到時是五分鐘一次, 當上了白車時, 已是三分鐘一次.
晚上十一點幾, 入了院檢查發現已開了兩度! 我跟老公說已兩度, 老公都感覺到很突然及很快, 他便唔敢走開.
我在病房做聽肚機, 我一直很痛, 用呼吸法去鎮痛, 可能用口吸入太多空氣, 令到我嘔吐. 老公見狀十分擔心... 鎮痛去到無法忍受地步, 我手腳都勁郁... 很辛苦.. 姑娘便幫我檢查了兩次, 初時仲係兩度, 後來是兩度幾.

二零零九年九月二
零晨兩點推我落產房, 痛愈來愈勁... 叫我聞笑氣, 但初初聞仍很痛, 便用番呼吸法. 愈來愈頂唔順, 姑娘叫我要聞笑氣. 我聞聞下知道他們幫我穿羊水, 聞完笑氣我開始見頭暈很辛苦, 我大叫"我好暈, 點算?"他們叫我吸番新鮮空氣. 跟住繼續咁痛, 我一路望鐘, 點解咁耐都唔安排老公入黎... 我很辛苦, 好想見到老公...

個幾時小過去, 我痛到有次大叫"有無人呀? 我好痛" 因為我間房係無人, d人可能去理緊其他產婦.
我痛到dum自己個頭, 又dum床頭, 真係痛到傻~ 痛到勁bill冷汗, 冷氣又凍.. 好在我手上有小毛巾抹下汗...
痛到手腳都無力了.. 這時開到四度
姑娘問我要唔要打止痛針. 而家四度仲可以打.
我問姑娘對bb有無影響, 佢話畀份資料我睇至決定.
救命, 我痛到咁仲畀份野我睇 (其實之前我已睇過). 我二話不說就話要打.
打完一陣我問姑娘點解仲係咁痛... 佢地話我要連埋笑氣一齊用至有效.
咁我一路痛一路聞笑氣... 不一會我失去知覺... 我只隱約聽到有一把聲"乜瞓著左呀?!"

當意識再返黎時, 已經係十度, 應該生得. 因為我聽到話叫我忍住...叫我等埋老公入黎至好生.
當老公係度, 我好想同老公講, 剛才好痛, 真係痛到我癲~
姑娘問我要唔剪. 我果時仲係度諗好唔好剪. 畀姑娘話我仲未答佢.
我唔摶啦. 擔心生dodo有問題, 所以我答剪.
當dodo出黎, 響亮哭聲, 體重2.515kg.
我真係好開心呀. 跟住姑娘我同老公dodo仔定女, 我地答係仔.
跟住dodo抹好身, 就放落我度, 老公同我地一齊影相.
呢種感覺真係好難形容. 終於可以同dodo見面啦.
跟住醫生幫我推胎盤出黎. 跟住仲話dodo細粒, 但我個肚腩咁厚 @_@我都唔想架. 我都唔知我吸收晒. dodo唔吸收... 嗚嗚~~

跟住老公就要係出面等, 而我就等醫生幫我縫傷口.
dodo放左係左手邊既暖箱. 雖然注射了麻醉藥, 但縫傷口都會痛, 但我一路望住dodo, focus 係dodo度. 望住佢等傷口縫完. 咁就被推上八樓病房. 一路上老公都陪住我. 亦有姑娘抱住dodo, 亦有姑娘地確實我個人資料, 跟住問我餵母乳定奶粉. 我答母乳~

上到病房, 老公只可以留五分鐘, 幫我執行李. 老公叫我抖下. 跟住瞓左唔知幾耐, 就有姑娘叫醒我, 教我埋身餵. 但我覺得佢教得好求其. 啜到我痛...

以上就係我生dodo既經歷, 真係畢生難忘~

過重的DO媽

姑娘今日又話我重左好多. 同上次覆診比較, 又重多左3.3KG...
佢猛話我唔應該正餐以外再食bread之類既野. 要食就食水果同蔬菜.
姑娘同我摸肚肚, 睇下係咪肥晒落dodo度, 結果又唔係.
跟住要睇下我雙腳係咪水腫. 若果係, 都會令體重增加.
佢話若果下次再係咁重, 佢話會令人好擔心喎, 要見醫生.
我同佢講右邊腰痛同埋恥骨痛, 同dodo側左係右邊有無關, 佢又無直接回答我.
淨係話做媽媽係咁辛苦架啦. 要做多d產前運動喎.
我話我有抽筋, 佢話唔夠鈣都有關係. 我話我有食鈣片, 佢就話天然d好d.
跟住我話有飲牛奶. 佢就叮嚀依我體重.. 要飲高鈣低脂喎..
由於我未至於去到行唔到, 影響生活質素, 否則會擔心我骨骼有事.
姑娘叫我自己留意番, 有起乜事就要睇醫生喎.
佬猛話我過水濕腳得好厲害. 而dodo就係纖瘦do~

蜂蜜番薯銅鑼燒

用上次預拌粉配方, 把糖同蛋白先打發起, 使做到銅鑼燒~
上次做番薯蛋糕時, 掌握到點制作番薯泥, 所以想做蜂蜜番薯銅鑼燒~

今次我放多左一隻蛋同跟足食譜加入奶, 跟上次不同pancake, 發現上次較鬆軟, 我懷疑今次牛奶太少了.
但今次煎的技巧好了很多, 出來效果很上色.


呢塊係最靚的一塊


塗上蜂蜜番薯泥, 真係好味~

第一次的pancake

回想小時候媽媽有同我一齊整過pancake, 沒有配方, 只是隨意放麵粉、蛋同牛油. 很香麵粉味同牛油味, 但不鬆軟. 由於多牛油, 媽媽都不敢整太多次.

今次上網見到homemade pancake mix, 沒有放牛油, 糖份不太多, 不太甜, 亦沒有食物添加劑, 感覺健康很多, 亦十分經濟.

星期日早上使試下整完番薯蛋糕, 使試做pancake作佬的早餐~~

初初唔識點煎pancake, 以為煎乜都要放油才不會黏鑊, 點知初初幾塊效果很差, 亦不鬆起, 亦不上色, 像中式煎薄罉. 最後2塊沒有再放油才比較像樣. 我同佬的結論係. 不用油, 鑊夠熱就ok!


你睇下最後果塊會鬆起的~


你睇製成品, 最面果2塊就係似pancake, 底果d似薄罉多d.

食譜來自: http://www.wretch.cc/blog/tokyomm/20807457

番薯蛋糕

上網無意中見到無牛油番薯蛋糕食譜, 由一個居住在台灣的日本廚師post出黎.
我見沒有牛油, 應該幾健康, 賣相又討好, 仲要係廚師的食譜, 所以對它滿有信心.
星期日早上等到有機會整啦~~ 等了一週才有時間開工.

首先, 蒸熟番薯, 去皮


我沒有用攪拌機打爛番薯, 只係用湯匙壓爛, 加蜜糖加cream(其實加牛奶都得)


跟住加蛋加低粉, 然後入模放入預熱的焗爐焗八個字. 我整左2底.
焗出黎我以為應該可以甩模開餐. 點知... 完全唔成型... 一番轉就跌晒出黎. 其中一底就係咁畀我破壞左..


呢一底我差d都想破壞埋佢...

@__@ 我大聲咁同佬講, 我失敗左啦...
我拎畀佬試味, 佢猛話怪. 同食番薯無分別, 又唔似cake.

跟住再望下食譜. 原來要放入雪櫃冷卻. @_@我睇漏左呢一步.... 或者係我以為呢一步唔係咁緊要.
我放入雪櫃到晚上拎出黎切, 真係似樣喎. 第二日姐姐仲要食晒咁濟. 姐姐話好好味.



個樣又唔錯喎. 勁有番薯味. 若果落多d蜜糖仲正.

食譜來自: http://funp.com/t665947

嬰兒沭浴+中醫+尋豆花記

早上一起床就趕住出門上媽咪準備班.
今期主題係餵奶、嬰兒常見問題、嬰兒沭浴

佬好努力用筆記底注意事項. 真係好dada~~

奶粉沖調:
1. 先注水、後加奶粉
2. 不用大力搖, 因為會入很多空氣
3. 室溫水便可, 用手脈試水溫

奶樽烚10min便可, 於室溫能保持24小時.
奶咀:
1. 試流量方法: 奶咀倒轉後, 一滴接一滴便可
2. 第一次用之前, 要先烚軟身
3. 烚乾淨後, 用奶夾拿起, 不能用手掂

姑娘示範了各種掃風態勢.
食完奶一定要掃風, 否則可能會嘔很多奶, 奶便白吃.
掃風完便側睡, 不能平臥.
還有, 初生bb每次餵奶停1-2, 每次餵奶前換片, 每天大約8-10次大小便便是正常.

4-6個月便開始試食固體食品, 起初試一匙米糊(最小機會有過敏的食品), 每次試一種食物, 萬一過敏都知哪一種食品. 睇黎都要練習下煲粥仔. 但我講左好耐都未有行動.

嬰兒常見問題有黃疸, 若果嚴重會傷害腦部, 所以要觀察眼白, 鼻樑, 有沒有呆滯等, 可以帶去健康院檢查.
另外, 嬰兒常哭, 可以先檢查是否有濕片、肚子餓(用手摸bb口附近看有沒有啜食反應)、肚脹(即腸有風, 可按摩令bb放屁.
至於皮膚方面, 可能有頭泥, 可以在沖涼前用olive oil抹頭. 慢慢便會減退.
還有便秘問題, 大便堅硬, 可能奶粉引起, 便可試轉奶粉.

最後一個戲玉環節, 便是嬰兒沭浴demo.
姑娘十分強調安全!!!!
注意事項:
水溫、沭浴時間 (2餐之間不會太餓又不太飽), 最好多一個陪同, 萬一有野要拎都可以叫人拎, 自己不用放底bb. 原來初生嬰兒沖涼唔使過水,所以嬰兒沭浴露要揀免沖洗~
要注意環境是否寬敝, 執齊所需用品於桌面, 放1/3 至1/2盆水
沭浴程序:
1. 先洗手、後放水(先放凍水後放熱水)
2. 加1至2滴沭浴露
3. 除bb衫(不用除片), 用毛巾包實bb
4. 用綿花球抹眼, 一球抹一隻眼, 由內向外
5. 用綿花球抹臉、額、耳殼, 半邊臉用一球
6. 用手掌支撐bb頭仔, 手臂同腰要夾實bb隻腳, 另一隻手就同bb洗頭
7. 洗完頭就抱番bb到桌上, 用包住bb毛巾抹乾頭仔
8. 除晒bb衫同片, patpat要用濕棉花抹乾淨
9. 用手扶實bb肩膊, 另一隻手拎起bb雙腳, 放bb入水中沖涼, 手一實支持bb頭及肩膊, 清洗bb 摺埋地方
10. 到洗bb背部, 便把bb扒在另一隻手臂上(支撐bb下巴及肩膊)
11. 把bb放口9的位置, 跟9一樣方式拎起bb離開水, 放到桌上的大毛巾上
12. 抹乾bb身上既水, 包好片片, 跟住著衫(底衫同外套預先套上), 記住拉衫唔係拉bb既手. 小心整親bb.
13. 用清水抹bb肚臍, 臍帶未脫及未乾爽, 片片不要包到上肚臍

寫左好多.. 但都係實習過至明白是怎樣的一回事.

落堂後, 佬陪我去睇中醫. 醫生話我有少許感冒, 無乜大礙~
跟住佬帶我出旺角食蔡瀾介紹的老豆腐花舖, 叫廖同合 (我成日叫錯左做尿合同@_@)
我只係跟佬提過一次, 連確實地址都沒有, 佬竟然帶到我去~~ 犀利啊~~
果然比屋企街市的豆腐花滑好多~~ 但我自問妹仔肚, 屋企街市果d 已經好滿足. 哈哈.
仲買左一樽細既腐乳畀99做手信. heehee~ 99同62話唔及佢地食開果d水口腐乳好味喎. 但佢地連續2餐都猛食我地買既腐乳 @_@

豬腸粉

有一日無意間見到有個blog, 教人自家制腸粉. 佢用既膠刮咁o岩我屋企有.
只要買番2個鋼盤就可以開工. 佬星期一晚係十蚊店買玩具(即鋼盤)畀我. 很開心~~

揀了7月1日試做, 真係覺得好好玩.

首先, 開粉漿, 然後係鑊度煲滾水, 放上塗左油既鋼盤. 倒上粉漿. 蓋上鑊蓋大約2至3分鐘.
初初唔識倒, 搞到腸粉好厚. 佬話似河粉咁厚喎.
後來就識得倒了, 腸粉薄d了. 用兩個盤好處就是當一個盤蒸好了, 便可以換上第二個.
之前果個放涼, 用膠刮起出黎, 卷成腸粉.

熱乎乎食的確好味好多. 由於我無甜醬和麻醬, 唯有整甜豉油頂住先啦. (我屋企無老抽同生抽, 打開雪櫃只有蒸魚豉油同普通壽司豉油), 再加糖同熱水開成甜豉油點黎食.

我叫姐姐試食, 佢話ok喎. 佬都話好食. 99都話幾似樣. 哈哈. 第二時dodo有愛心腸粉食啦.





食譜來自: http://blog.yam.com/jazzychiu/article/15590718

咁難頂的人

頭先姐姐同我講佢唔知原來屋企樓下有港鐡o都o都慳1蚊機.
我話我知. 有左無耐.
佢就話我好唔話佢知. 即時反應梗係. 我都唔知你需要, 點會諗起話你知.
佢就開始話我被動, 無理人感受. 又話我同佢少溝通.
呢個係你屋企, 你平時都唔落街, 我都唔知你要用. 我一日見咁多樣野. 點會同你講晒.
佢就話我少同佢分享.
我反問佢:你都好少同我分享. 佢竟然話唔係. 佢有同我分享. 只係我無聽.
佢點解成日都將責任放係人地度!?!?!
佢話同我講野, 我就打呵欠無心機聽佢講野. 我話佢平時咁夜返屋企, 返到黎我都係時候訓.
佢就話唔係講梗呢d時間, 係平時白天時間, 我話你咁晏至起身. 我就要事要出街. 點得閒聽你講野.
佢又話唔係講梗呢d時間. 總之佢要怪我點都拎到野出黎數. 我腦海入面, 正正常常大家見面時間跟本好少.
佢平日夜訓遲起身. 見到面傾計至奇.
佢淨係著眼我生活節奏要遷就佢. 佢有無理過人地架!!!
勸佢生活節奏好d. 佢都依然故我.
以前都為左佢d臭脾氣同自我中心, 搞到我地嘈. 咁我唯有少d招惹佢啦. 估唔到而家咁樣都得罪佢.

昨晚佢仲話點解d 人成日認錯佢係妹妹我係姐姐. 唔係因為我外表, 而係因為我心態.
我問佢係乜心態佢又無答我.
梗係啦. 畢業到而家. 佢一直自己搵自己洗. 自己拍拍蘿友就搬左出, 養家睇住媽咪到媽咪病重都係我一手一腳睇住. 未畢業就憂心工作養家, 又要還loan. 時時刻刻都擔憂. 有邊個同我分擔呀?!
媽病左, 醫藥費都令到我好擔心, 又擔心無人照顧媽咪日常起居, 送媽到二哥住都要錢, 又要顧媽感受, 又要顧埋媽同二嫂相處, 又要擔心媽唔肯食藥, 又擔心媽服藥副作用要醫治, 個個week都帶媽去睇skin dr.
數都數唔盡各樣擔心. 全都係佬同我分擔. 姐姐只著眼於我因為憂心而"面口唔好", 令到佢唔開心. 唔想見到我.
總之我滿肚怨氣, 有誰共鳴?!

home office

呢個星期在家上班 (論正式算係人生第一次)

因為上週office樓上有確診過案, 跟住上頭出左封電郵話大肚員工可以申請work from home.
咁危險, 梗係申請啦.
雖則好多人都話無當年sars咁嚴重, 但無人知大肚婆染病對胎兒有乜影響.
我實唔會拎dodo黎冒險!!!

都唔知係咪咁o岩遇著剛剛... home office 仲忙過平時... 無停過手咁濟...>.<
放工亦都遲過平時...
唔知係咪上司同同事覺得我係屋企實會好得閒, 所以勁assign job畀我呢...

不過佬勁勸我. 每天就慳番2個小時交通時間. 同埋避免外出感染既機會.都值得既!

不過在家工作有樣野唔好. 就係得自己一個坐係屋企, 公司發生乜事都要等人update至知....
一係就自己勁問. 但人地忙梗同時, 自己勁問人有無野update自己就會畀人感覺d煩同埋唔係幫梗手...

充實的星期六

媽咪準備班第二堂:
今堂教準daddy mammy買bb 物品, 其實很多我同佬已經準備. 但即管聽下護士講乜啦.

我地jot了一些筆記, 是我們之前沒有注意的.
1. 入院用品: 帶廚房紙巾
2. 沖涼水溫 ~ 38c 或用手"月爭"試水溫
3. 臍帶用清水清潔便可, 保持乾爽
4. 臍帶如有發炎, 才用酒精
5. 臍帶的清潔在沖涼後進行最好
6. 首6months, 純母乳
7. 6mon ~ 2yrs, 母乳+其他食物

0/3baby床:
下課後, 62 幫手楂車送我地去一田拎0/3bb床返屋企. 當晚我們同埋姐姐一齊砌床, dodo係咪好開心呢. 你有新床仔訓啦. yeah yeah

游水:
原本睇天氣預測話有雷雨, 所以諗住去agent搵工人就算, 點知見到咁好太陽, 我同佬返折返返屋企拎游水用品去科學園游水. 點知去到泳池, 陽光開始消失... 唔係咁玩野呀化...
到我游完入更衣室, 見到救生員放工, 我都覺得怪, 做乜咁快放工. 點知原來我地上水後, 就有thunder...
都算好彩, 總算游到水.

搵工人:
返到mos, 我地就去agent睇video揀海外工人. filter走左一d. 留底2個作考慮. 等埋26/6果日的新一批海外傭工, 希望快d揀到個工人摤dodo啦.

砌bb床:
dada好努力, 身水身汗咁砌床, 辛苦晒dada. 我幫dada影左相. 遲d再post出黎.

果日真係好倦呀.... 但做左好多野.. 真係要記底佢. 否則我實唔記得自己咁勤力.哇哈哈.

忙碌的一天

星期五安排了我到健康院做耐糖測試.
果杯糖水真係難飲.. 吞落去果下甜到拿喉....
飲之前抽了一支血, 坐兩小時後再抽一支血.
若果星期一沒有電話通知, 我應該沒有妊娠糖尿問題.
希望一切都ok啦.

之後我到新港城街市食盅飯做早餐及午餐, 返到屋企都差不多一點半.
三點我要去到中環看皮膚科醫生, 看來我唔夠時間做日式芝士蛋糕....
2點9我便到逹, 這時我排第二. 醫生說我可能掂到dirty野, 皮膚過敏, 給我藥膏.
他看到我的肚便問"你唔係大肚呀嘛?!"我答係呀, 唔好畀藥我食呀.
他說ok. 病歷會寫明我大肚. 叫我放心.

之後我離開clinic, 行去ifc, 再去pier 7 坐船到尖沙咀.因為當晚約了friend食火煱.
咁樣行法.. 我累透了.. 差不多到半島中心德興火煱時, 我雙腳累到差不多不能動... 胃仲開始痛..
我趕忙買三文治醫肚, 驚餓親dodo.
當晚火煱... 認真激氣. 食了成晚都黎唔到一碟菜, 齋佷肉好咸好濟...
職員一個二個態度好差... @_@
最後有個經理班到菜畀我地. 我地叫佢做"德興哥", 因為佢夠power 班菜. 哈哈.
食完開始有番d energy 返屋企.

健怡月餅

昨天早上很早便醒了, 又訓唔番. 就諗起雪櫃仲有紅豆沙蓉, 又諗起睇一本懷孕雜誌, 教人整健怡月餅, 看看鐘有時間上媽咪準備班前試跟下呢個食譜做喎~

食譜中的份量減一半, 因為我不想做太多. 想起自己過重. 有可能近日做太多cake(做完自己都會食下)所致...

當中要做水皮和油皮, 但水皮實在... 太水了. 我十分懷疑食譜份量有錯.. 實在太稀跟本搓不到形... 於是我勁手高筋粉補救...

雞手鴨腳搞了一輪.. 總算整完入爐焗.. 我今次沒有影相, 因為覺得唔好睇. 覺得有d失敗...
算啦. 下次有機會至再搵過好d食譜再試做啦. dodo出世應該剛過中秋. 可能幾年後至再做lu.

佬一起床唔見左我. 出黎睇到我搞搞震, 勁話我曳曳~ @__@

勁食+過重

星期二我去健康院產檢前, 約了anita 去食lunch buffet.
一開始就拎dessert. anita見到我咁都呆左...
跟住我答佢我好想食甜品, heehee
之後食完熱食, 都覺得飽飽地. 跟住又再拎cheese cake. 點知..
勁食3 round都好開胃. anita話我個bb 可能鍾意食cheese cake.

下午返去健康院, 姑娘話我重多左, suppose我而家60.xkg. 但我而家係64.3kg..
重多左大約8磅... 佢叫我唔好食太多, 跟未懷孕前食量應該差不多再加多一杯牛奶便可.
我跟她說, 有一晚我食勁都無飽既感覺... 好恐怖... 她便說我不一定要食到有飽既感覺.
或者勁食菜來填飽個肚. 仲要做多d運動, 唔可以跑步, 只可散步或游水.

過重我真係好驚呀. 而家仲有3個月, 咁快就超重, 之後點算喎?!
dodo~~ 我會努力架啦. 希望自己唔好太肥, 做多d運動你可以易d"捐"出黎~~

為dodo的小小改變

急不及待要剪短, 因為近日覺得天氣好熱, 頸尾頭髮很辛苦好焗.
所以同anita講我想剪頭髮, 於是今個星期一晚anita便帶我去中環salon.
開頭髮型師都唔肯幫我剪太短, 但聽到我馱bb同埋遲d揍bb, 就願意剪得短一些.
剪完一身鬆晒, 清爽好多~~ 我仲要求修薄, 因為我天生頭髮厚~
佬同我講, 到我生完/或將近生就可以再剪多一次. 揍dodo會更方便.
heehee. 為了dodo, 長髮了差不多9年的我, 很樂意剪短~
為了dodo健康著想, 堅持了多年不曬太陽游水, 怕惡化雀斑, 現在肯在陽光下游水....
我的雀斑大達左啦... 嗚嗚....
要買番支防曬用至得...

隔左一天.. 我發現..我左邊頭髮長過右邊?! 點解之前唔發現?! 好奇怪.. 算啦. 我暫時唔會理佢住.

海洋公園之旅

為了準備呢次旅程, 我同老公做左好多野.
首先, 就係食左隻美心雞. 做乜要食雞雞?因為美心有海洋公園門券優惠, 買第二張有半價.
後來發現惠康買滿60蚊就可以七折買海洋公園門券. 於是叫99陪我地一齊去惠康買野. 點知未畀錢, 同收銀講要七折優惠, 佢就馬上搵2張飛畀我地. @__@早知唔使買野啦~

原本端午節去海洋公園, 點知之前睇天氣預測會落雨, 就改左星期日. 到端午節當日, 成朝早都無雨, 一午只有少少雨, 早知果日去啦~~

星期六我整天都在準備食物帶去海洋公園食.
1. 合桃蛋糕仔. 今次份量比起星期二晚試做的份量多一點.
2. 焗番薯. 真係好正. 焗到番薯肉離左皮. 收乾左水, 好甜. 好在99買得番薯夠靚, 至咁甜同稔
3. 焗全麥麵包. 中種由姐姐準備, 可惜今次無之前做的鬆軟, 唔知出錯左哪裡...

到左星期日, 我早上仲好想繼續訓架. 但老公就叫醒我, 因為想同99和62飲茶至出發. 佬同我講, 今次係第一次同dodo去海洋公園, 叫我快d起身.

62楂車, 所以我唔覺得太辛苦. 10點去到已經有好多人係度啦. 買票都等左好耐.
一去到就想搭熱氣球, 覺得都幾穩陣, 所以排隊啦. 點知有工作人員企係我附近一陣, 就走埋黎同我講"唔使懷孕架呵?"我答佢係. 跟住佢話我唔玩得, 因為可以升到空中會撞到.... 原來我唔玩得...

跟住看所有遊戲都唔畀孕婦玩, 包括觀光塔...佬係咁話唔抵呀~ 但我又覺得難得有機會馱住dodo四圍行下, 仲睇海豚海獅雀鳥花草樹木. 真係好開心呀~

勁多人買票
人山人海
熊貓+海洋公園標誌
我想坐的熱氣球呀~
纜車上
魔法三人組
亞洲動物天地中的熊貓仲好睇過平時睇開果兩隻
小熊貓好可愛
睇完動物,又可以欣賞花花
睇完金魚館, 出黎影張有中國特色既相. 好似新年. 哈哈

忙碌的兩天下集

今天是母親節, 早上7點幾佬便起床準備去茶樓攞位. 我當然跟住佬啦~
8點到酒樓, 點知已經超多人在等位. 唯有到第一間酒樓試下.
好在這間沒有之前果間咁恐怖, 我們九點已有位了.

早餐之後便一家五口(計埋dodo)去行山, 一行就行了三小時.
其實我入門第二日都去過, 當時都沒有今天那麼倦....
可能因為我馱了dodo重左吧. 途中佬跟我們影相~~ 真開心.

到了mos山上, 見到bbq場超多人, 有小朋友放風箏, 又有老人家同小bb乘涼, 感覺得舒服~
99話第二時帶dodo上黎bbq 好爽~ 佬話驚熱氣喎, 99 話煲糖水就可以下火, 聽上來好吸引~
今次在涼亭飲水食麵包, 希望下次有古典格仔布野餐啦

行落山時, 要行斜路... 我行行下覺得肚子怪怪地, 便用手托住dodo落山, 以防"登"親do仔.
其實我雙腳同條腰真係好倦, 捱到返商場食pizza hut食下午茶.

好在佬叫二人餐, 否則我地實食唔晒一個四人餐~
自從馱了dodo, 我就對西餐無乜興趣, 胃口都變了很多.

之後還陪99到大百佳, 途中見到童裝店執笠, 見到甲乸衣10蚊2件. 於是99揀左4件畀dodo~
沿途真係舉步艱難, 好努力才行到返屋企, 雙腳及股股都好倦了....
唔知dodo會唔會都跟住好倦呢~ 但momo做這麼多運動, 又曬太陽, 都是想dodo健康一點.
將來dada會帶dodo做多d類似行山運動, 要接觸大自然呀~

忙碌的兩天上集

早上到新港城街巿食早餐, 買盅飯及饅頭, 因為突然想食懷舊食物.
再買一杯自製熱豆漿, 看到老闆把豆漿倒出來到電爐煲熱, 剎那間很感動!!!
為什麼? 因為他不是用微波爐叮熱給我, 而是煲熱 !!!
回想媽住院期間, 到canteen買熱牛奶給媽媽, 竟然是用微波爐, 跟我去7-11自己叮有何分別?!價錢亦貴很多. 小時候, 屋企樓下茶餐廳食牛奶麥皮, 亦是用煲煮出來, 感覺認真很多!!!

當時我立刻抓狂, 拿著杯豆漿猛跟佬說很感動!!! 佬見到我這樣子很好笑~~

該天打算去看中醫, 之後游泳, 所以帶了游永用品. 怎料betty打電話約我出護協買dodo野~
照去! 沒有影響, 因為佬話夠時間.

中醫話我胃氣好多, 要戒口兩天, 食中藥清清個胃氣. 加上我有少少感冒, 所以胃氣才這樣多.
唔怪得我呢幾日由成日肚餓變成飽飽濟濟啦. 為了dodo著想, 我會聽話戒口及食中藥.
佬都跟我一齊看中醫, 我跟他有2次中醫療程.

去到護協, 沒有0/3 baby床, 除了combi亦唔覺有其他牌子bb車, 所以不是太多東西可以買. 只買了日本綿花(25蚊), chuchu海綿奶樽刷(27蚊).
我記底了電子探熱針及電奶泵價錢作日後參考~ 而bb揹帶就齋看catalog很難揀... 有sample擺出黎的價錢差不多一千元... 亦不在budget範圍以內.

到游泳池時, 差不多5點了, 太陽都不見了, 下水前很擔心很冷...
怎料池水溫度都ok喎, 可能曬了一整天, 所以凍極有限.
游呀游~~ dodo同momo和dada一齊游啦~
之後還在大堂悠閒地看報紙, 跟住影晚景, 然後回家~ 感覺很滿足!!!

食齋

星期五晚anita一家約了我, 佬同我姐姐一起去食齋私房菜.

anita爸媽分別先後見到我都話一望就知我係馱仔.
anita跟我都勁疑惑為何這樣看準?!
原來他們一望我就覺得皮膚差了, 手手腳腳都粗了.
哈哈. 但anita和佬成日都見到我, 跟本唔察覺.

這晚大家食得很開心, 有講有笑, 還見到anita細路的女朋友.

anita爸爸話第二時要帶dodo同佢玩. 佢話呢個做爺爺要揍孫.
我跟anita這家人很稔熟, 他們當正我和姐姐係女~ dodo就係孫啦.
dodo真係幸福~~

整雞酒

星期三晚舊同事兼好友betty邀請我同佬上去佢屋企跟她媽媽學整雞酒.
什麼是雞酒? 就是坐月期間的補身食品, 跟台灣的黑麻油雞類似.

上去之前, 要預備材料.
1. 冰鮮嬾雞一隻, 多得99 幫手買, 否則放工至買都趕唔切.
2. 紅棗適量
3. 木耳適量
4. 米酒/黃酒2碗, (份量依個人需, 黃酒就甜d, 按個人喜好)
5. 薑一大舊 (份量按個人需要), betty媽媽家中有,所以無帶去
6. 麵線 (想放湯煮麵的話都可以)

約了晚飯後才到她家, 所以出發時已食到飽飽, 成隻豬仔咁. 哇哈哈.
出發前, betty話可以買黃酒, 所以佬帶我去百佳同大惠康搵, 點知唔覺有產品寫到明係黃酒, 所以無買到.
到達後, 我地即刻dodo嗌betty做betty姨姨, 但她十分不滿唔准跟台灣叫法. 哇哈哈.
之後, 她媽媽好好傾, 又好細心咁講每一個步驟點做, 我地即刻叫佬用紙抄底, 好似學男生學家政堂咁. 好搞笑.若果你地都想知點整, 直接問我個佬啦, 佢應該學晒, 到時我坐月要整畀我食架!!!

佬仲好醒目影番幾張相, 否則我相信佢好快會忘記左點整.

1. 用鹽洗雞斬件、浸紅棗、木耳, 薑切片


2. 炒薑炒雞, 落少少酒炒, 加水加餘酒中火煮5-7鐘.


3. 其實整法唔複雜. 簡單的補身食品. 不論是坐月定係平時食都好好架(女士某d日子就唔好食啦)


她媽媽個人喜歡用黃酒, 因為味道較甜, 她還用私伙黃酒示範今次菜式. 真係多謝佢啦!!!
她媽媽勁識補身, 到betty坐月就無有怕啦~~

仲有, 木耳原來有散瘀作用, 亦有助清惡露. 所以這樣一味菜是坐月媽媽恩物~

她媽媽話佢有朋友坐月時一日食一隻雞?! 女士產後100天內都仲可以進補. 唔係呱, 要食100隻雞?!呢個數字實在太恐怖了. 她媽媽還說她朋友皮膚補得很靚, 仲靚過未生之前. 但我即刻想到天天1隻雞... 我身材實差過未生之前. 但她說補完至減喎. 但我無乜信心啦>_<
其實唔係要補足100天, 補到夠就可以停.

整好左之後, 我同佬都食左一碗至走, 但佬驚飲左酒楂車有危險, 佢就畀我飲埋d汁.
飲下飲下我開始覺得wing wing地... 又覺得dodo郁郁共, 唔通dodo都wing 埋?!
跟住又覺得個胃好興... 好似唔補得咁.. 其實betty媽已經專登炒薑果步係咁e炒, 都驚躁得濟, 話晒我而家係馱梗dodo唔係生左dodo呀嘛.

betty仲講左一單我已忘掉了的細節事. 曾經有一年我係台灣工幹時食了烏雞之後大病.
原來係eddie買了牛蒡茶煲烏雞, 全apartment同事食了都係興合合, 平時唔使開冷氣都要開
大家之後就無野, 但我就病又發燒, 都病左好耐下.

原來我係虛不受補?! 睇黎坐月都係唔好亂食野, 問過中醫至得啦. 同埋要同中醫報定上述案件至得啦.

回到家, 帶了雞酒給99同62食, 原來62係勁補得的人, 坐月時食唔晒既野畀可以62幫手食啦. 哈哈.

第二日我仲係覺得怪怪地, 個人又有d倦又喉嚨興興地.. 唔知係咪唔受得呢.. 跟住幾日胃都濟濟地...

但當年係台灣成日食麻油雞麵線都無事喎. 仲覺得好正添. 可能我只係唔適應咁多酒o者. 哈哈.

照結構

假期過後, 便到照dodo結構的日子了. 佬請了半天假陪我.

今天到威爾斯照結構, 9點半去到等到10點幾才叫名入房. 跟住姑娘問我有無照過結構, 係咪係呢度生定出去生, 我一口答佢係呢度生. 跟住姑娘照了很久, 佬就坐係望到mon既位置. 大約廿分之後, 我都仍然訓係床度唔郁得又望唔到mon, 醫生叫我打右同左側訓試下, 然後叫我出去行下等bb轉身睇埋背脊. 11點至返去, 佢會再叫名. 佢話最後至一次過畀我睇bb喎. #__#

佬帶我去了醫院附近的屋苑食野, 然後慢慢地行返去. 剛好夠鐘再照第二次. 照了差不多半句鐘, 最後畀我睇bb的頭、心臟、手指腳指, 跟住我問齊唔齊, 佢話無問題, 內臟都ok, 我又問嘴呢?佢話都ok. 我問仔定女, 佢話就咁睇就見到"慈菇丁", 但唔係百分百準確喎.

anyway, 佬同我就知係do仔了. 可以放心買衫啦. 哇哈哈.
我話dodo無拎手指尾出黎玩野啦. do仔亦都好乖咁肯做哥哥, 第二時照顧do女妹妹.
我而家一路寫blog, do仔都有踢我. 希望遲d 佬都可以感受到.

回程時我問佬, 見唔見到do仔郁呀? 佬話可能而家空間窄啦, 唔夠之前郁咁多. 但姑娘逐個內臟mark底, 我聽到都放心. 應該唔使再搵私家再照吧. 我都唔想成日用u/s騒擾dodo.

優閒假期最後一天

早上一起床便要駁番公司check e貓貓. 令悠閒生活受到一點點污染.....

第三天便跟普通星期天差不多, 早上跟62及99飲茶, 然後陪他們逛逛超市, 下午跟他們喝個下午茶. 總括來說, 三天都很寫意吧!!!

但未食下午茶之前, 佬鼻子不停流鼻水同打噴嚏, 我見其狀非常辛苦, 主動提出跟他行公園曬太陽. 希望幫他舒緩一點吧. 所以我地又行馬鞍山公園同埋又影相啦. 真係開心, 有太陽之餘又不是太酷熱, 影相真係唔錯~

dodo 這幾天都有踢我, 我跟佬常說"大力一點踢啦, 住夠至好'捐'出黎呀!!!"
但我肚皮偶爾有點痕癢, 看雜誌原來因為hormone影響, 要潤膚及不要抓.

網上看到"產後進補廿八方"坐月子套裝產品, 供媽咪坐月子時按每天進食來進補, 好處是方便, 因為不用自己煩, 執好晒每天一包加肉/雞燉/煲便可. 但可能餵母乳的媽咪同bb唔受得, bb面生粒粒或者bb唔肯飲媽媽奶或者唔夾媽媽身體. 夾的媽媽便大贊方便同埋食左無咁怕凍同埋身體好過未生之前. 亦有人話呢d package成本好低, 幾千銀咁買唔係好抵買.

而我已經決定請陪月, 佬叫我同陪月傾下有無需要參考呢d. 定係我keep住睇中醫都可以達到調理身體效果呢?
等我問下anita 媽咪同埋其他親友先. 若果大家有乜意見都可以告訴我的! 謝謝~

優閒假期第二天

到了第二天, 早上執定游泳用品出街食早餐, 行一陣商場(其實次次行商場都不其然睇dodo野. 哇哈哈), 然後就坐車入科學園游水.當時都擔心假日會人多, 但點知出到游池, 只見兩個人曬太陽, 游的只有我同佬.
佬好細心咁扶我落水, 又係旁邊陪我游, 上水又先幫我拎毛巾, 佬知我怕冷. 游了不知多少個塘. 然後上水抖一陣曬下日光浴, 感覺非常舒服, 好正!!!! 溫暖又不太炎熱, 落水又不會太凍, 游水今次比上次無咁緊張, 注意呼吸, 唔會壓親dodo, 所以游得很暢快~~


呢個泳池實在怡人~


剛游完水, 坐係度休息下先. 而佬肯坐定定畀我同佢影張相啦~

游完水再係科學園影下相, 途中又見到好多一家大細同單車黨. 真係好. 香港有這個好地方.


金蛋

游完水之後, 出了沙田新城市廣場食tea, 跟住四圍行一田, 荷花等等, 又行電器舖, 睇吸塵機, 又睇麵包機. 突然心郁郁想有部麵包機, 但又唔想浪費錢用七百幾蚊買, 買左返黎又驚唔會成日用(因為照顧dodo沒時間), 變成浪費. 回家上網睇原來年幾前可以用信用卡積分換購, 但現在沒有了, 唯有等dodo大一點, 我才會有時間整呢d 玩意吧.

優閒假期第一天

一連三天假期, 悠閒得很. 連佬自覺懶很過份, 但我就好鍾意咁.
為什麼連放假都要帶著都巿生活味道?!
以前, 總是什麼都要趕, 要快, 要完成很多目標等等... 總之唔想浪費時間...
但現在胎梗dodo就開始同自己講, 人生根本不用這麼趕, 可以享受下時光嗎?
以前錯失太多, 現在要多珍惜同享受當下生活.

第一天起床時間便跟返工差不多, 總是不能跟細個時比較, 以前總是睡很多都可以, 現在就不.
天氣真是好到不得了, 有太陽又有微風盪漾, 佬心郁郁想去游水
佬帶我食早餐, 然後行下新港城, 又行馬鞍山公園, 佬同我影大肚婆相, 感覺很有趣.
可惜, 無同佬的合照. 下次叫佬帶埋腳架出街至得. 佬堅持同我影相, 我只是爭取到跟他影幾幅相而已.
以前好怕曬太陽, 驚有雀斑唔靚. 但有dodo就唔怕啦, 因為dodo健康最緊要, 曬太陽有vit d呀嘛.
一路行公園, 一路見很多bb車, 我同佬都會諗幾時到我地帶dodo出黎行公園呢~
見到人地一家大細真係開心, 我同佬都十分期待.

下午佬決定改第二天去游水, 想跟daddy mammy 飲茶, 後來因為找他們時他們已在荃灣飲茶, 唯有等他們回來食tea吧~ 我都好贊同一有時間就陪62同99, 因為做人子女有時間就應該陪多點老人家, 現在不陪幾時陪, 對嗎? dodo 見到我同佬都咁乖, dodo長大都會咁乖




驚件衫太鬆身唔覺個肚, 所以捧住個肚影相.wahaha


我個好佬~


真係風和日麗呀!


我地一齊壓偏海豚~

孕婦裝

今晚juana約我去買大肚衫. 她說要買褲子, 我便想看有沒有長身大肚衫.

撞啱wendy都得閒, 所以撞埋一齊.

藍田商場好似迷宮, 行了幾圈才找到該舖. 點知到了舖, juana話唔使買褲, 搞到店主、juana、wendy三對眼望住我揀衫. 搞到我唔買又唔好意思...

其實昨天己經同wendy在銅鑼灣買了一件濶身藍色衫, 之前已托sam在台灣訂了兩件大肚衫, 之前第一次買大肚衫時買左一件衫, 最後我在該舖買了三件大肚衫, 9折再飛零頭後共四百元, 其實都算划算.

但說到底, 我沒想過買這麼多衫, 唔知dodo 瞪大雙眼"目及"實do媽呢. heehee

臨離開舖之前, 店主話用60蚊就可以換一個側睡枕, 話產前可以訓產後可以畀bb飲完奶防止嘔奶時窒息. 但我當時沒心動, 因為我已有一個小枕頭. 點知離開店後, juana至話果個枕至有用. 佢個女傷風鼻塞訓高可令鼻水流番出黎. 講到我心郁郁, 因為關乎到dodo喎. 所以即刻返去+60蚊去換啦.

讓坐

星期六早上去看婦科途中坐馬鐵, 第一次有人讓坐, 那是係一位太太.

我當時反應係唔使啦, 唔係咁嚴重呀

但對方盛情難卻, 唯有接受.

跟住佬同我講, 原來我個肚都幾覺眼, 唔怪得有人讓坐.

但過了幾天坐地鐵, 沒有人讓人, 我心諗... 可能衣著問題避住左個肚.

胎動

自從去過健康院, 我就感覺到有胎動了.

感覺初頭就似腸有氣泡, 但後來再諗真一點, 就似係胎動了.

現在, dodo一動, 我就覺dodo好有活力~ 我好開心!!

係do仔定do女?

今日一早就起身啦, 因為訓得唔係咁好, 唔知係咪有d緊張呢?

今日第二次見私家產科醫生. 目的係睇oscar report, 照u/s, dodo係仔定女, 問下腹抽住痛等問題.

未見醫生, 我體重竟然係60.6kg?! 星期四去健康院至係58kg, 做乜過左幾日重左2kg?!救命呀~~~

醫生一見我拎份報告出黎, 佢就質問點解唔係政府度做? 又唔係醫生轉介度做? 而係去化驗所度做.
我唯有答係朋友介紹, 但原來唔包解釋檢驗結果. 醫生又話威爾斯係權威 #__# 都過左去啦, 仲講咁多做乜.

跟住給醫生看政府果份病歷表, 作基本記錄. 然後就照超聲波, 照到spine, head, hands, legs.
今次唔覺dodo好活躍, 可能肚裡空間減少了. 跟住再聽心跳聲. 佬反應無第一次咁興奮了. 但我地再次見到dodo都好開心, 因為是次目的都係想看下dodo就放心. 再問醫生係仔定女? 醫生極速咁望左一望就係"好似係仔" 跟住老公就話我夢到抱住do女既夢唔準啦~

照完返埋位, 醫生竟然影左張dodo唔清楚既相. 仲話我想睇心跳?!我都無咁講過喎. 我有d失望囉, 照u/s一來想確定dodo ok同埋為dodo影相留念嘛. 佬叫我算啦. 呢個醫生明顯細心過之前睇果個.

問及醫生點解訓平個人, 一笑就抽住痛. 醫生話正常喎. 只要抖下唔再痛就ok架啦.

再問我自己買鈣片食有無問題. 醫生問左我牌子跟住就ok. 醫生再開vit丸畀我食, 若果食左無乜事就可以自己配一直食到餵人奶都可以食.

關於疑似do仔一事, 佬跟住同我講, 等埋下週照結構至碓定仔定女啦. 佬講笑咁講, 話do女可能玩野, 擺個手指尾出黎扮do仔呢~~ 我哇哈哈大笑.

由於我近排鍾意食烏冬, 所以佬帶我去食烏冬. 跟住行左三間online baby shop 既樓上舖位同埋行wingon bb部, 期間我好快又餓, 所以食拉麵. 跟住再行花園行同埋新世紀荷花同bb shop. 好少可可以行咁耐, 平時行一陣頂唔順就要返屋企抖架啦. 我自己都覺得有d出奇.

我地諗極都諗唔掂要乜bb車好. combi 係輕(3.9kg) 但坐唔得耐, 因為座住窄. maclaren 可以坐到四歲, 但車身重(7.xkg). 若果要combi到dodo 兩歲幾就換輕使的bb的士.
真係幾頭痛...

bb床佬就prefer 摺床, 因為房間唔係太大, 摺得埋會方便d. 0/3 baby同baby star 都有摺床. 但諗梗吉吉同wingon邊個discount會多d呢...

由於覺得仲有時間考慮, 唔使咁急呀.
其實同佬一齊, 買野會無咁衝動. 我好欣賞呢點. heehee

再聽到心跳聲啦

今朝4點幾有support call, 嘈醒左佬, 真係對佢唔住.而我知佢醒過之後訓得唔好.
我都一樣, 好在今天請左假覆診, 可以訓耐少少, 補番一d.

今天第一次返健康院覆診做產前檢查. 今朝留左小便. 又試定部手機錄音.
因為今次想錄底dodo心跳聲畀佬聽. heehee

老公好細心咁題我食完lunch訓下覺至好出門, 佢知我好易倦. 我都好聽話.

到左健康院, 我排55, 驗左尿ok, 體重58.8kg, 量血壓, 跟住跟號數等.
但覆診隊排到3x. 我心諗咪有排?!

好在有講座廣播, 有興趣就入房, 今日主題係產後護理及家庭計劃.
講座係播帶, 其實大部份都放左上網了, 聽覆診姑娘話唯獨一個題目係姑娘演講, 非播帶, 就係"婚娩的認識". 我mark底何時有這講座, 可以夾我下一次覆診.

真好. 聽完講座, 感覺唔使等太耐
派講座筆記和相關小冊子, 包括: 講座筆記, 盤骨底肌肉運動 (防產後失禁), 產後運動 (產後修身), 避孕常識 (產後唔使咁快再有bb, 有多啲時間復元)

等了一會入房見姑娘, 一入去我就問我可唔可以錄音, 她說可以配合我.

我訓底, 她就禁下我下腹, 睇下dodo係邊個位置. 她話bb個size好足18週!!!
她話若果而家感覺唔到bb郁, 再過多一週就會feel到!!!
又話bb位置應該係我肚臍落一個手指位, 跟住就楂啫喱聽心跳, 叫我部手機對住speaker, 跟住數了一分鐘心跳, 期間她說dodo郁了, 所以心跳細聲左, 又再改位置再畀我聽(不過唔及威院聽果次咁清). 數完係140呀. 正常係120~150, 所以dodo係正常呀 !!!
最後話我體重沒有增加得好多, 咁樣係好事, 她說現階段不用增磅太多.
她問我仲有乜問題, 我就問肚側邊有時覺得痛, 佢話韌帶因子宮擴大而拉扯, 只要唔係持續痛楚, 按摩下休息下便沒事.

dodo用品大作戰

昨天同老公去左吉吉買dodo用品. 真係行到我地腳仔軟.
由於想要JUSCO 既DISCOUNT, 我地無J-CARD, 又唔想畀年費, 見到有AEON 信用卡申請, 免首年年費, 仲要即時申請, 真係O岩晒我地啦.

當日真係有好多野要考慮.... 奶瓶、消毒煲、入院用品, dodo衫、嬰兒床、嬰兒車、揹帶....
於是老公首先排邊d野緊要d, 放假就不停上網搵資料.

事關原本諗定揀chu chu PPSU 奶瓶, 因為同事用過, 比較過nuk, avent等牌子, avent同nuk 普通價都只係pc料, 要pes料價錢貴過chu chu, 普通PC料會刮花同每6個月換一次. 而chu chu可以用到8個月以上, 使用得好, 可以一年才換. 覺得chu chu划算很多.

但點知一到吉吉就見到英寶奶瓶, 聲稱用醫料矽膠, 十分安全, 可用10年, 耐熱超過400度. sales姐姐仲話貴買平用, 搞到我地心郁郁. 但價錢就超貴, 8oz 要155仲要唔包奶咀. 奶咀都要5x一個.
跟住同62同99飲完茶去千色店睇野, 見到英寶奶瓶sample, 真係忍唔住叫"唔係呱, 殘到咁?!" 因為個sample好舊, 仲黏左好多塵, 仲要勁花... 齋擺係百貨公司會可以殘到咁, 即刻對佢所謂醫料矽膠無晒信心... 揀番chu chu好過.

跟住再行番吉吉, 表姐就打黎同我講有乜入院野要買, 於是就買產婦衞生巾、沖洗瓶、乳墊、網褲、床墊、濕紙巾, 而BB 尿片、綿花球就遲D係藥房買. 仲有出院既dodo衣服包括短和尚袍(內衣)、長袍(外套)、包被、手套腳套、20條紗巾.

然後就買4支大同2支細奶瓶. 仲差2支大奶瓶. dodo 實好開心啦~~


老公揀梗乜?


就係揀梗dodo衫


奶樽


長和尚袍



包被


和尚袍套裝


入院用品


紗巾


嬰兒濕紙巾


大合照





佬同我雖然行得好倦, 但都好開心!!!

跟住我同老公都買下自己野, 就係一副大富翁同埋一支電動牙刷, 趁有折嘛. HEEHEE.